ЖЧ саралаш. Африка. Эктор Купер жамоаси икки бор дуранг ўйнади
07 sep 2021 21:48
News

ЖЧ саралаш. Африка. Эктор Купер жамоаси икки бор дуранг ўйнади

Ўзбекистон миллий терма жамоаси собиқ бош мураббийи Эктор Купер айни пайтда Африкада фаолият олиб бормоқда.

Ушбу мураббий бошқараётган Конго ДР терма жамоаси ЖЧ саралаш баҳсларида ҳозирча иккита ўйинда майдонга тушди. Ва иккала баҳс ҳам 1:1 ҳисобида якун топди. Конголиклар дастлаб уйда Танзания, сўнгра сафарда Бенин билан дуранг қайд этишди.

Африкада ЖЧ саралаш иккинчи босқич ўйинларига старт берилди. Жамоалар 10та гуруҳга бўлинган ҳолда кураш олиб боряпти. Мусобақа форматига кўра, ҳар бир гуруҳдан биттадан жамоа кейинги босқичга йўл олади. Конго ДР ўз гуруҳида 2 очко билан учинчи ўринни эгаллаб турибди. Эктор Купер жамоаси кейинги иккита турни уйда ва сафарда Мадагаскарга қаши ўтказади.