Жавоҳир Рўзиев: "Мен учун индивидуал маҳоратдан жамоа манфаати муҳимроқ"

"Умуман олганда, ўйинни ёмон ўтказмадик, сабаби барча футболчилар бор кучини сафарбар этган ҳолда ҳаракат қилди. Гувоҳи бўлганингиздек, беллашувнинг охирги дақиқаларида ўз дарвозамиздан иккита тўп ўтказиб юбордик. Бироқ учрашув давомида хавфли вазиятлар яратдик, шунчаки бизга омад етишмади.

Зарбаларимни эътироф этганингиз учун раҳмат. Лекин мен учун индивидуал маҳоратдан жамоа манфаати муҳимроқ. Бугун ҳам биринчи бўлимдаги уринишда тўп дарвоза тўсинига тегиб қайтди. Иккинчи бўлимда бундай зарбаларнинг кўрмаганингиз боиси, мудофаага ёрдам керак эди ва мен орқароққа қайтиб, ҳимоячиларга ёрдам беришга ҳаракат қилдим. 

Кейинги учрашувни яна "Бунёдкор"га қарши ўтказамиз. Ҳа, олдинда вақт кўп эмас, бироқ бўлажак ўйин сценарийсини ижобий ўзгартиришга ҳаракат қиламиз", деди 20 ёшли футболчи.