Жавод Некунам футболчилик фаолиятини тугатди
16 jul 2016 11:12
News

Жавод Некунам футболчилик фаолиятини тугатди

Эрон терма жамоаси сардори Жавод Некунам футболчилик фаолиятини якунлашга қарор қилди.

"Футболчилик фаолиятини тугатиш жуда оғир, аммо шундай қилишга мажбурман", - дейди Некунам ОФК расмий сайтига.

Жавод Некунам Эрон терма жамоаси сафида 151та ўйин ўтказган (Эрон терма жамоаси рекордчиси) ва 39та гол урган. У 2006-2012 йилларда Испаниянинг "Осасуна" клубида фаолият олиб борган.

Фаолияти давомида Некунам Эрон терма жамоаси сафида икки марта Жаҳон чемпионатида ва тўрт марта Осиё кубогида иштирок этган.

Футболчи фаолияти давомида "Пас", "Ал Ваҳда", "Ал Шаржа", "Осасуна", "Истиқлол", "Ал Қувайт", "Сайпа" клубларида ўйнаган. Унинг сўнгги клуби Қатарнинг "Ал Араби" клуби бўлганди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +9