Жасур Абдураимов: "Учрашув асабий руҳда кечди"
26 may 2017 21:44
News

Жасур Абдураимов: "Учрашув асабий руҳда кечди"

Олий лиганинг 12-туридан ўрин олган "Пахтакор" - "Сўғдиёна" (3:2) учрашувидан кейин ташкил этилган матбуот анжуманининг иккинчи қисмида мезбонлар бош мураббийи Жасур Абдураимов қатнашди.

- Ўйин бўйича нима дейишим мумкин? Учрашув жуда асабий руҳда кечди. Бугунги футболни кино жанридаги триллерга қиёслаш мумкин. Ўйин биз учун жуда яхши тугади. Ҳар иккала жамоада етарлича имкониятлар бўлди. Биз ўз вазиятларимиздан пайтида фойдаланганимизда, масала бу қадар чўзилиб кетмасди.

Ҳимоядаги иккита қўпол хато гол билан якунланди. Ҳозирги вазиятимиздан келиб чиқиб айтадиган бўлсам, руҳий тарафлама бизга жуда қийин бўлаётганди.

Футболчиларга раҳмат. Улар бугун керакли пайтда ўзларини қўлга олишди ва характер кўрсатишди. Муҳим ғалабага эришганимиздан хурсандмиз.

Нега ҳар ўйиндан кейин футболчиларга ҳаракатлари учун раҳмат деяпман? Чунки захирамиз жуда тор. Деярли бир таркиб бутун мавсумни тўлиқ ўтказмоқда. Бу уларни руҳан толиқтириб қўяди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6