Latest news

01:38А Серия. Шомуродовнинг голи "Рома"га "Верона" устидан ғалабани тақдим этди  27 01:36"Насаф" "Жар"да "Бухоро"ни мағлуб этган ўйиндан ФОТОГАЛЕРЕЯ  0 01:25Лига 1. ПСЖ яна ғалаба қозонди. Жамоа 29 ўйиндан буён мағлуб бўлмаяпти  0 00:50Суперлига. "Пахтакор" йирик, "Насаф" ишончли, "Машъал" эса минимал ҳисобда ғалаба қозонди  0 00:10"Бавария" Бундеслиганинг охирги ўринларида бораётган жамоа устидан йирик ғалабани қўлга киритди  0 00:03Виталий Левченко: "Рақиб бизни мағлуб этгани йўқ, биз ўзимиз ўйинни ютқазиб қўйдик..."  7 23:30Рўзиқул Бердиев: "Ғалабага муносиб ўйин кўрсатдик, Черанга ишонишда давом этамиз"  1 23:27"Лас-Палмас" — "Атлетико". Альварес асосий таркибда, Гризманн захирада  0 23:23Педру Морейра: "Мендан хафа бўлмайсизлар, бугунги саволларингизга жавоб бера олмайман"  8 22:17Суперлига. "Пахтакор" сафарда "Нефтчи"ни тор-мор этди  224 21:40"Ливерпуль" Дарвин Нуньес бўйича қарор қабул қилди  5 21:19Ла Лига. "Барселона" еттита гол урилган ўйинда камбэк эвазига "Сельта"ни мағлуб этди  138 21:08Бердиевнинг захира кучлари иш берди. "Бухоро" - "Насаф" 1:3  43 20:54АПЛ. "Ман Сити" О'Райли ва Ковачичнинг голлари эвазига "Эвертон"ни мағлуб этди, Ҳусанов захирада қолдирилди  65 20:31"Барселона" ПСЖ юлдузини нишонга олди  30

"Жароҳат олган футболчига кўп жамоа ишонмайди" — Муроджон Тошматов нима учун "Динамо"ни эмас, "Локомотив"ни танлади? News

"Жароҳат олган футболчига кўп жамоа ишонмайди" — Муроджон Тошматов нима учун "Динамо"ни эмас, "Локомотив"ни танлади?

"Локомотив" жамоаси ёзги трансферлар вақтида таркибга ОКМК ярим ҳимоячиси Муроджон Тошматов билан шартнома имзолади.

Биринчи даврани жароҳат сабаб ўтказиб юборган футболчи иккинчи даврани олмалиқликлар сафида бошлаши кутилаётган эди. Бироқ у "Локомотив" танловида тўхтади. Бу борада Муроджон Тошматовнинг фикрларига қулоқ тутдик. 

- ОКМК жамоасида 2019 йилдан бери ўйнаб келаётган эдингиз. Жамоани тарк этишингизга жароҳат сабаб бўлдими ёки кетиш вақти келганмиди?

- Биринчи ўринда, ОКМК оиласига катта раҳмат айтмоқчиман. Яхшими-ёмонми, 5 йилга яқин шу жамоа билан бирга бўлдим. Жароҳатим сабабми ёки рисқим шу кунга ёзилган экан, нима ҳам дердим. Ҳаммаси Худодан. Жамоага қўлимдан келганича ёрдам беришга ҳаракат қилдим. Мени қўллаб-қувватлаган барчага ташаккур. 

- Миржалол Қосимов иккинчи даврага тайёргарлик вақтида сизни ўз режаларига киритганмиди, кетиш қарори тасодифан юз бермаган бўлса керак?

- Балки Миржалол Қосимовнинг режаларига кирмагандирмиз. Билсангиз, таркиб билан боғлиқ лимит белгиланган. Шу сабаб жамоани тарк этдим. 

- "Локомотив" Про лигада ўйнайди. Бу фойдалими ёки аксинча? "Локомотив" варианти қачон пайдо бўлди?

- Мен учун қуйи лигада ўйнаш биринчи маротаба ҳисобланмайди. 2011/12 йилги мавсумда қуйи лигада тўп тепганман. У вақтларда эсласангиз Про лига деган нарса йўқ эди. Оддий Биринчи лига, деб юритиларди холос. 2012 йил "Сўғдиёна" билан чемпион сифатида элитага йўлланма олган эдик. "Локомотив" кетишимни эшитган заҳоти алоқага чиқди. Бунга қадар "Динамо" ҳам ўз сафида кўришни истаётганди. Лекин оилавий сабабларга кўра "Локомотив" вариантини танладим. 

- ОЧЛда ўйнайдиган жамоани Суперлигага чиқиш учун курашаётган жамоага алмаштирдингиз. Бу кимнинг тавсияси билан амалга ошди? 

- Биласизми, жароҳат олганингиздан кейин кўп жамоа сизга ишонмас экан. Шу сабабли спорт формамга кириб олиб, яна Суперлигада ўйнашга интиламан. Тўғриси, 1 йил катта футболсиз қолиб кетдим. Бу футболчи учун кўп муддат. Ҳаммаси яхшиликка, деб ўйлайман. 

- Умуман, жароҳат олган вақтингизда футболни тугатиш хаёли келдими? Айтганингиздек, жароҳат олган футболчини ҳамма ҳам қабул қилиши қийин. "Локомотив" мураббийлари билан бу борада гаплашдингизми?

- Тугатишни ўйлаганим йўқ. Худога таваккал қилиб яна кучли бўлиб қайтиш учун ҳаракат қилдим. "Локомотив" мураббийларининг ўзи истагани ҳам катта рол ўйнади. Жароҳатдан қайтганимни билишади. Менга билдирилган ишончни оқлаш учун бор кучимни ишга солишга тайёрман. "Локомотив" билан 11 йил олдин "Сўғдиёна"да амалга оширган ишимни яна такрорлашни, чемпион бўлиб, жамоа билан кучлилар сафига қайтишни истайман. 

Rating: +2   

Comments

championat.asia
< show latest news
Яндекс.Метрика