Жанубий Корея терма жамоаси сафида йўқотиш
02 sep 2017 15:33
News

Жанубий Корея терма жамоаси сафида йўқотиш

5 сентябрь куни Ўзбекистон терма жамоаси Тошкентда Жанубий Кореяни қабул қилади.

Ушбу баҳсдан олдин меҳмонлар сафида йўқотиш юзага келди. Терма жамоа ўнг қанот ҳимоячиси Чои Чул Сун Эрон билан учрашувда сариқ карточка олди ва Ўзбекистон билан баҳсда иштирок эта олмайдиган бўлди. У бир тур олдин Қатар билан ўйинда ҳам огоҳлантирилганди.

1987 йилда туғилган Чои Чул Сун "Чонбук Хюндай Моторс" клуб аъзоси ҳисобланади. У Жанубий Корея терма жамоаси сафида ЖЧ-2018 саралашининг охирги учта ўйинида мунтазам равишда ўнг қанот ҳимоячиси ролини бажариб келаётганди.

Ўзбекистон терма жамоасида эса аксинча вазият. Хитой билан учрашувни дисквалификация туфайли ўтказиб юборган ўнг қанот ҳимоячимиз Даврон Ҳошимов Жанубий Кореяга қарши баҳсда майдонга тушиш имкониятига эга.