Жамшид Саидов: "Яхши жамоа тузиш учун камида 2-3 йил вақт керак"

- Учрашувнинг иккинчи бўлимидаги тезкор голлар бизни синдириб қўйди. Биринчи бўлимда яхши ўйнагандик. Аммо учта қўпол хато бизга қимматга тушди. Бу бизнинг биринчи йирик мағлубиятимиз бўлди. Ҳимоя чизиғимизда бир қатор кучли, яхши футболчилар бор. Сардор Раҳмонов ҳам яхши ҳимоячи. Бизни олдинда Ўзбекистон кубоги доирасидаги жуда муҳим беллашув кутиб турибди. "Бухоро" футболчиларининг барчаси юракдан ўйнамоқда. Тўғри, кимдир кўнгилдагидек ҳаракат қила олмагандир. Жамоамиз ўтган йили олий лигада жон сақлаб қолиш учун курашганди. Бу йилги натижалар эса ёмон эмас. Ҳозир эса кучли бешликда боряпмиз. Яхши жамоа тузиш учун камида 2-3 йил вақт керак. Биз ушбу беллашувга астойдил тайёргарлик кўргандик. Асосан қарши ҳужумлар орқали ўйнашга ҳаракат қилгандик. Аммо бугун рақиб бизга имкон бермади.