Жамшид Саидов: "Легионер олиш ҳозирча режамизда йўқ"

"2016 йилги мавсумга тайёргарликни 14 декабрь куни Бухоро шаҳрида бошлагандик. Бу йиғин 28 декабрга қадар давом этди. Янги йил байрамидан сўнг 4 январда Тошкентда йиғин бошладик. 18 январгача шу ерда шуғулланамиз. Ҳозирга қадар "Локомотив" ёшларига қарши ўртоқлик учрашуви ўтказдик. 13 январда "Бунёдкор", 18 январда "Қўқон-1912" билан ўйнаймиз".

"Машғулотларни "Обод" стадионида ўтказаяпмиз. Бугун 8 нафар футболчимиз тиббий кўрикдан ўтаётгани учун машғулотда камчилик қатнашди".

"Асосий мақсадимиз ўтган йил иккинчи даврада ўйнаган футболчиларни сақлаб қолиш эди. Табиийки янги футболчиларни ҳам кўрикдан ўтказаяпмиз. "Олмалиқ"дан Саламат Қутибоев, Саҳоб Жўраев ва Алишер Шоғуломов, "Динамо"дан Муҳиддин Худоёров, "Навбаҳор" Санъат Шихов каби янги футболчилар машғулотларимизда қатнашишмоқда".

"Бухоро"га янги легионерлар келадими? Тўғриси бизга келаётган легионерлар талаб даражасида эмас. Шу боис ҳозирча хорижлик футболчи режамизда йўқ. Эътиборни маҳаллий футболчиларга қаратамиз".

"18 январда иккинчи йиғинимиз якунига етади. Шундан сўнг йигитларга 3 кунлик дам берамиз. Учинчи йиғин ҳам Тошкент шаҳрида январь ойи охиригача давом этади", - дейди Жамшид Саидов.