Жаҳонгир Жиямуродов: "Иккинчи бўлимдаги ўйинимизга тушунолмадим"
15 jul 2020 22:12
News

Жаҳонгир Жиямуродов: "Иккинчи бўлимдаги ўйинимизга тушунолмадим"

Про лига 3-туридан ўрин олган "Истиқлол" - "Зомин" (3:0) учрашувидан сўнг, меҳмонлар бош мураббийи Жаҳонгир Жиямуродов матбуот анжуманида иштирок этди.

"Ассалому алайкум! "Истиқлол" жамоасини ғалаба билан табриклайман. Ўйлаб қарайдиган бўлсак, бугунги рақибимиз иродали ғалабага эришди. Ўзларинг гувоҳ бўлдинглар, биринчи бўлимда кўплаб вазиятларда устунлик қилдик, биринчи рақамли бўлиб ўйнадик. Лекин, иккинчи бўлимда ўйинимиз қовушмади.

Куни кеча жамоамиз футболчилари узоқ йўл босиб келганликлари туфайли чарчоқ ўз таъсирини кўрсатмасдан қолмади. Очиғини айтганда ҳар икки бўлимлар бир-биридан фарқ қилди. Иккинчи бўлимда кўрсатган ўйинимизга тушунолмадим. Ҳозирги етишиб чиқаётган ёшларда озгина ғурур ва шижоат етишмаётгандек. Футболга келдими, фақат ғалаба учун ўйнаши керак, майдонга ўз-ўзига ишониб тушиши керак.

Навбатдаги ўйинларда ғалаба қозониб, жамоамиз мухлисларини хурсанд этамиз деган умиддаман. Барчага раҳмат" - дейди "Зомин" устози.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3