Ихтиёр Ропиев: "Осиё кубогидаги энг яхши ўйинимиз Эрон билан бўлди"

Терма жамоа аъзолари кеча тунда тантанали равишда кутиб олинди. Мазкур жараёнда футзалчи Ихтиёр Ропиев ҳам ўз фикрларини билдирди. 

"Мусобақа ҳар сафаргидан ҳам яхшироқ руҳда ўтди дея оламан. Пенальтилар серияс бу - лоторея. Кўрдингиз омадимиз келмади. Тожикистон билан ўйинда 2 та тўп фарқи билан олдинда кетаётгандик. Бироз хотиржамликка берилдик ва ишимизни қийинлаштирдик.

Менимча, энг яхши ўйинимиз Эрон билан бўлди. Тарихда ҳали дуранг ўйнамагандик. Ғалаба қозониш насиб қилмаган экан. 

Янги мураббийга аллақачон мослашиб олганмиз. 5-6 та ўйинда анча ўзгаришлар қила олди",- дейди Ропиев.