Ихтиёр Каримов: “Омадсизликлар ортда қолди”
07 may 2016 13:31
News

Ихтиёр Каримов: “Омадсизликлар ортда қолди”

Бугун Ғузорда мамлакат миллий чемпионати 8-тур доирасидан ўрин олган “Шўртан” ҳамда “Сўғдиёна” клублари ўртасида кечадиган учрашувдан олдин мезбонлар бош мураббийи вазифасини бажарувчиси Ихтиёр Каримов ўз фикрларини баён қилди:

- Ниҳоят, ўтган турда Фарғонада бу йилги чемпионатнинг бошланишидаги омадсизликларга чек қўйдик. Дастлабки, айтиш жоиз муҳим очкони қўлга киритдик. Бу дуранг йигитларимизнинг ўзларига бўлган ишончини янада мустаҳкамлади. Мухлисларимизга эса яхши кайфият бағишлади.

Жиззахликларга қарши ўтадиган бугунги учрашувни ҳам ана шу руҳда давом эттирамиз. “Сўғдиёна”га бўлган ҳурматимизни сақлаб қолган ҳолда шуни айтаманки, мухлисларимиз кўз ўнгида ва қолаверса уларнинг қуллаб-қувватлашлари остида ғалаба қозинишга ҳаракат қиламиз.

Таркибда йўқотишлар, жароҳатлар, муаммолар йўқ. Ҳамманинг кайфияти яхши. Шогирдларим бугунги учрашувга шай ҳолатда туришибди.

“Шўртан” ПФК матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +1