Иванович, Видич, Думбия ва Россия чемпионатидан АПЛга йўл олган бошқа юлдузлар

Бранислав Иванович. ("Локомотив" - "Челси") 2008 йилда Москванинг "Локомотив" жамоасидан "Челси"га 13 миллион евро эвазига кўчиб ўтган. Бугунги кунда "аристократлар" ҳимоясини сербиялик футболчисиз тасаввур қилиш қийин

Мартин Шкртел. ("Зенит" - "Ливерпуль") Словакиялик футболчи ўз вақтида 4 йил "Зенит" шарафини ҳимоя қилган. 2008 йилдан эса "Энфилд"га кўчиб ўтган

Неманья Видич. ("Спартак" - "Манчестер Юнайтед") 2004 йилдан 2006 йилгача москваликлар жамоасида ўйнаган. Кейинчалик эса МЮ сафига бориб қўшилиб, АПЛ чемпиони, ЕЧЛ соҳиби, Клублар ўртасидаги ЖЧ ғолиблигини қўлга киритди

Сейду Думбия. (ЦСКА - "Ньюкасл") Африкалик ҳужумчи 2010-2015 йилларда ЦСКАда ўйнаган. Айнан ушбу ўйинлари орқали "Рома"га трансфер қилинади. Кейин яна РПЛга қайтади. Куни кеча унинг "Ньюкасл" сафига бориб қўшилгани ҳақида хабар чиқди

Андрей Аршавин. ("Зенит" - "Арсенал") Евро-2008даги ёрқин ўйинлардан сўнг рус футболчиларига ҳаридорлар кўпайиб қолди. Шулардан бири Аршавин. У аввалига "канонирлар" сафидаги ажойиб ўйинлари эвазига мухлислар меҳрини қозона олди. Бироқ, бу узоққа чўзилмади. Футболчи лондонликлар сафида 143 та ўйинда майдонга тушган.

Иржи Ярошик. (ЦСКА - "Челси") 2003-2004 йилда ЦСКАда ўйнаган чехиялик футболчи "Челси" сафига бориб қўшилади

Юрий Жирков. (ЦСКА - "Челси") 2009 йилда ЦСКАдан 18 миллион фунт эвазига "Челси"га кўчиб ўтган

Жо. (ЦСКА - "Манчестер Сити") 2008 йилда ЦСКАдан "Манчестер Сити"га 18 миллион фунт эвазига ўтган. Бироқ, АПЛда бразилиялик ҳужумчининг ишлари юришмади. 21 ўйинда 1 та гол 18 миллион фунтлик футболчининг натижаси эмасда, аҳир...

Динияр Билялетдинов. ("Локомотив М" - "Эвертон"). Ушбу футболчи ҳам Евро-2008даги муваффақиятли иштирокдан сўнг шериклари каби Европага йўл олади. Ярим ҳимоячи 2009-2012 йиллар давомида "Эвертон"да ўйнаган

Роман Павлюченко. ("Спартак" - "Тоттенхэм") Ҳужумчи 2008 йилдан 2012 йилгача "Тоттенхэм"да ўйнаган. Ушбу 4 йил давомида футболчи лондонликлар сафида 78 та ўйинда майдонга тушиб, 21 та гол киритишга муваффақ бўлган

Азиз Тўхтамуродов тайёрлади