Latest news

01:35Ханси Флик: "3:0 ҳисобидан кейин кайфият тушган"  4 01:14"Арсенал" собиқ футболчиси: "Менимча Слотга Рождествогача имконият берилса керак"  4 00:59Рубен Аморим: "Агарда ўйин сифатини ҳисобга олсак, биз кўпроқ очко тўплашимиз керак эди"  1 00:39Оливер Гласнер МЮни мақтади  0 00:15Сульшер Анчелотти билан бўлган қизиқ ҳолат ҳақида гапирди  5 23:53Гирассини фақатгина 7 клуб сотиб олиши мумкин  1 23:39Манба: Самвел Бабаян - "Андижон" бош мураббийи!  36 23:13Райс "Олтин тўп"ни олиши мумкинми? Артета жавоб берди  0 22:52Андерсон Талиска: "Саудия чемпионати МЛСдан кучсиз эмас. Месси жамоаси у ерда 6:0га ютқазганди"  11 22:13Флик: "Ямал бу ўйинни унутиши керак"  2 21:48Дитмар Хаманн: "Бавария" Европанинг энг яхши жамоасига ютқазди"  0 21:25Луи Саа: "Мактомини "Барселона" ёки "Реал"га ўтиши керак"  8 20:54Ханс-Дитер Флик ҳимоядаги ўйин ҳақида: "Бу бизнинг услубимиз"  3 20:38"Goal" ЕЧЛ учун асосий фаворитлар рейтингини янгилади  14 20:15Пьянич "бутсаларини михга илди"  5

Иван Йосович: "Балки "Қўқон-1912" "Локомотив" учун ноқулай рақибдир" News

Иван Йосович: "Балки "Қўқон-1912" "Локомотив" учун ноқулай рақибдир"

Муҳим ғалабадан кейинги фикр.

"Қўқон-1912"нинг сербиялик ҳимоячиси Иван Йосович "Локомотив"га қарши кечган учрашувдан сўнг сайтимиз мухбири Абдулазиз Искандаровга ўйин борасидаги мулоҳазаларини билдирди. 

- Ўйин ҳақида...

- Аввалги 3та учрашувда максимал даражада ҳаракат қилган бўлсакда, кичкина хатолар эвазига мағлубиятга учраётгандик. Қайсидир маънода омадсизлик десам ҳам бўлади. Ўйин давомида борингни берасан, ҳаракат қиласан, лекин якунда ютқазасанг алам қилади. Худога шукур кеча "Локомотив"ни мағлубиятга учрата олдик. Мазкур ғалаба ўзимизга бўлган ишончни қайтарган бўлса ажаб эмас. Буни кейинги ўйинларда билиб оламиз. Олдиндаги рақиблар билан ҳам осон баҳс кечмаслиги аниқ. Аммо бизни ғалабадан бошқа натижа қониқтирмайди. Турнир жадвалидаги ўрнимизни яхшилаб олишимиз учун кўпроқ очко жамғаришимиз лозим. 

- Статистикага қарайдиган бўлсак, жамоа кеча рақиб дарвозасига 3та зарба йўллади. Уларнинг 2таси гол. "Локомотив" эса устунликни қўлига олди, кўплаб ҳужумлар ташкил қилди. Бироқ вазиятлардан фойдалана олмади. Кеча чинакамига "Қўқон-1912"нинг омади келдими?

- Омад келиши учун ҳам ҳаракат қилиш керак. Ўз-ўзидан осмондан тушмайди. Қизиқ ҳолат шуки, "Насаф", "Нефтчи"га қарши ўйинларда охирги дақиқаларда гол ўтказиб мағлубиятга учраган эдик. Кеча шунинг тескариси юз берди. 

- Марказий ҳимояда Мурод Ҳолмуҳаммедов билан яхши тандем ҳосил қиласиз. Унинг қайтиши жамоага кўтаринки руҳ бердими?

- Бош мураббийимизни қийнаётган муаммолардан бири жароҳатлар ва йўқотишлар ҳисобланади. Таркибдаги ҳар бир футболчининг ўрни бор. Мурод эса жамоамизнинг ҳақиқий етакчиси. Дилшод Раҳматуллаев, Александр Мерзляков, Ойбек Рустамов сафимизга қайтса янада кучли бўламиз. 

- "Қўқон-1912" сўнгги йилларда бошқаларга қараганда "Локомотив" учун чақилмас "ёнғоқ"қа айланиб бормоқда...

- Улар жуда яхши ўйин кўрсатишди. Жамоани ёш мураббий бошқармоқда. Шунга қарамай майдонда  унинг имзоси бор. "Локомотив"га кейинги учрашувларда омад тилайман. Саволингизга якун ясайдиган бўлсам, балки биз бу жамоага ноқулай рақибдирмиз (кулади).


Абдулазиз Искандаров суҳбатлашди

Rating: +4   

Comments

championat.asia
< show latest news
Яндекс.Метрика