Иван Нагаев "Торпедо"га ўтади
19 dec 2013 20:52
News

Иван Нагаев "Торпедо"га ўтади

Тошкентнинг "Локомотив" клуби ва Ўзбекистон Миллий терма жамоаси ҳужумчиси кейинги мавсумни Россия биринчи дивизион клуби бўлган Москванинг "Торпедо" клубида давом эттиради.

Москванинг "Торпедо" клуби кейинги мавсум учун ўз олдига Премьер лигага чиқишни мақсад қилган ва таркибни бирмунча кучайтирмоқда. Айни вақтда биринчи даврадан сўнг "Торпедо" 39 очко тўплаган ҳолда 19 та жамоа ичида 6-поғонада бормоқда. Бу жамоа 2-поғонада бораётган "Алания"дан 6 очко ортда бўлса, 3-поғонадаги "Шинник" билан ўртада 1 очко бор.

Эслатиб ўтамиз Россияда юқори икки ўринни олган жамоа Премьер лигага йўл олса, учинчи, тўртинчи поғонани эгаллаган жамоалар ўтиш турнири орқали Премьер лигага чиқиши мумкин.

Гарчи ҳали ўтиши расман ҳал бўлмаган бўлсада бу масала тезда ҳал бўлиши кутилмоқда. "Торпедо" ҳозирда Москвада йиғин ўтказмоқда ва 20 январдан Туркияда йиғин ташкил этади ва назорат учрашувларини ўтказади.

Link :

Source : championat.asia

Receive latest football news directly on your phone. Subscribe for our Telegram channel!

Rating: