Иван Бошкович: "Ишлашимиз лозим бўлган жиҳатлар бор"
12 aug 00:34
News

Иван Бошкович: "Ишлашимиз лозим бўлган жиҳатлар бор"

Суперлиганинг 15-туридан ўрин олган "Сўғдиёна"-"Металлург" (2:2) учрашувидан сўнг мезбонлар бош мураббийи Иван Бошкович матбуот анжуманида ўз фикрларини билдириб ўтди.

"Ҳа албатта, бугунги ўйин оғир кечди. Бир неча кун олдин кубокда" Навбаҳор"га қарши майдонга чиққандик. Шу боисдан ҳам иккинчи бўлимда йигитларда чарчоқ аломатлари сезилди.

Биринчи бўлимда яхши ўйин намойиш этдик, кўплаб вазиятлар яратдик. Иккита гол киритган бўлсак-да, ғалаба қозона олмадик, "Металлург" вакиллари ҳисобни тенглаштира олишди. Хато ва камчиликларни кўриб чиқиб, таҳлил қиламиз. Футболчилар майдонда ўзаро тушунмовчиликларга дуч келишаяпти, бу ишлашимиз лозим бўлган жиҳатлардан бири.

Жиззахда футболни яхши кўришади. Бизга ёрқин ғалабалар керак. Жамоамиз билан келгусидаги ўйинларда ютуқларга эришиш учун жиддий ишлаймиз", - деди жиззахликлар устози.

Link :

Source : championat.asia

Receive latest football news directly on your phone. Subscribe for our Telegram channel!

Rating: