Latest news

21:00Ўзбекистон — Ўмон 1:1 (Матнли трансляция)  219 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  0 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  1 19:28"Алавес" — "Атлетико". Таркиблар маълум  0 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  8 17:52"Ньюкасл" 85+5 млн евро эвазига ҳужумчи харид қилди?!  11 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  2 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0

Иван Бошкович: "Деярли "камбэк" қайд этдик. Жамоам кучайиб бормоқда" News

Иван Бошкович: "Деярли "камбэк" қайд этдик. Жамоам кучайиб бормоқда"

Суперлига 21-туридан ўрин олган "Сўғдиёна" - ОКМК (1:1) учрашувидан сўнг жиззахликлар бош мураббийи Иван Бошкович ўйиндан кейинги матбуот анжуманида иштирок этди.

"Қизиқарли ўйин гувоҳи бўлдик. ОКМКга қарши кечган ўйинларимиз ҳар доим қизиқарли кечмоқда. Рақибимиз айни дамда иккинчи ўринда бормоқда. Биз яхши ўйин намойиш этдик, фақатгина биринчи бўлимда 2-3та тезкор қарши ҳужумни ўтказиб юбордик. Яратган вазиятларимиздан фойдалана олмадик. Якунловчи позицияларда оқсадик. Мен ўз футболчиларимнинг маҳоратига шубҳа қилмайман, бугун шунчаки омадимиз келмади. Танаффусдан кейин эса кичик ўзгаришларга қўл урдик. Таслим бўлмадик ва охиригача курашдик. Ўйинда деярли "камбэк" қила олдик, аммо урган голимиз офсайд туфайли ҳисобга олинмади. Йигитларга раҳмат айтдим, улар бугун яхши курашишди. Олдинда ҳали 5та баҳс бор. Мусобақа сўнгига қадар кураш олиб борамиз. Ҳали ҳеч нарса тугамади", - деди Иван Бошкович.


- Биринчи бўлимда жамоангизнинг ўйини қовушмагани ҳақида айтиб ўтдингиз. Марказий ҳимоячилар кўп хатоларга йўл қўйишди. Танаффусда футболчиларингизга нима дедингизки, улар майдонга қайтиб ўйинни ўзгартира олишди?


- Мен футболчиларимдан совуққон бўлишларини талаб қиламан. Вертикал паслар орқали ўйнашимиз керак. Ҳамма хато қилади, бу табиий ҳол. Биз ўйлаган режа амалга ошди, футболчиларим ҳар доим тўпни олдинга чизиққа қадар етказиб бера олишди. Суҳроб Иззатов бугун кўп паслар амалга оширди. Иккинчи таймда бироз ўзгариш қилдик, лекин биринчи бўлимда камроқ хатоларга йўл қўйдик. Иккинчи бўлимда "брак"лар кўп бўлди. Танаффусдан кейин хавфлироқ ўйнадик, холос. ОКМКга қарши хатога йўл қўймаслик қийин. Жамоавий ўйинимиз ўсиб бормоқда. Футболчиларим шундай хатолар орқали ўсишга эришишади. Бугун майдонда 2-3та ёш футболчилар бор эди. Улар яхши ўйин намойиш этишди ва бир очко қўлга киритишимизга ўз ҳиссаларини қўшишди. Ҳали олдинда баҳслар бор, биздан тепароқда жойлашган жамоалар ҳали очко йўқотишлари аниқ. Биз охиригача курашамиз, кейинги мавсумда бундан-да яхшироқ ўйнай олишимизга ишонаман. Жамоам кучайиб бормоқда.


- Иккинчи бўлимда Йовович бирга-бир вазиятдан фойдалана олмади ва шу вазиятдан кўп ўтмай уни захирага олдингиз. Владимирнинг захирага олинишига асосий сабаб ўша вазият бўлдими?


- Йўқ. Ҳеч қайси бир мураббий бор-йўғи бир вазият учун футболчини захирага олмайди. Йововичнинг бугун омади келмади. У футболчиларни яхши алдай олади, тўп билан фақат олдинга юради, лекин бугун бироз омад етишмади. Унинг ўрнига майдонга тушган футболчилар ўйинни кучайтира олишди. Жамоамизда барча футболчилар муҳим, фақатгина Дориев ва Йовович "Сўғдиёна" етакчилари дейиш нотўғри. Барча футболчилар бир хил меҳнат қилишмоқда.


Rating: +5   

Comments

championat.asia
< show latest news
Яндекс.Метрика