“Истиқлол” Нукусга бормади. Нега?

Олинган маълумотларга кўра, бугун “Орол” - “Истиқлол” баҳси ўтказилмайдиган бўлди.

Чунки меҳмон жамоа Нукусга бормаган. Бунга нима сабаб? “Истиқлол” бош мураббийи Камол Жўнашев вазиятга ойдинлик киритиб ўтди.

– “Орол”га қарши ўйинимиз бошқа муддатга қолдирилди. Бу борада ПФЛга ёзма равишда мурожаат қилганмиз. Нукусга бормаганимизнинг сабаби шуки, ўтган турда “Хоразм” билан ўйиндан сўнг таркибда жароҳат олган ўйинчилар сони кўпайиб кетди. Учрашувдан сўнг Тошкентга қайтганмиз. Навбатдаги турни ўтказиб келиш мақсадида Нукусга самолёт ёки поезд учун чипта олишни режалаштирганмиз. Бироқ биз боришимиз керак бўлган кунга чипта йўқ экан кассада. Енгил автомашинада боришни маъқул топмадик. 12 соат йўл босиб кейин ўйинга толиққан ҳолатда бориш бир қатор қийинчиликларни келтириб чиқаради. Шунинг учун ҳам бу ўйинни кейинроққа қолдириб беришларини сўрадик. Ҳозирча баҳс қайси муддатга қолдирилганини аниқ билмайман – дейди Жўнашев.