"Истиқлол": 11-мағлубиятсиз сериядаги 10-ғалаба!

Ўйин ҳарорати юқори бўлди. «Хотира» жамоасининг интизомсиз ўйини футболчиларни бир-бири билан кескин ўйнашга мажбур қилди.

Катта саҳнани Санжар Асқаралиев бўшатиб бергиси келмади. Айтиш жоизки хар икки гол ҳам жамоа бир-бири билан аҳил эканлигини кўрсатиб берди. Биринчи бўлим режасини тўлдира олмаётган жамоа 40-дақиқада қарши хужумга ўтди. Диққат марказида эса бир оз олдин жароҳат ортириб олган Элёр Акбаров бўлди. Учга уч вазият, ўнг қанотдан Акбаров кетмоқда, гўёки дарвозага тўпни тепгандек кўрсатиб бир ҳимоячини алдаб ўтди. Дарвозабон билан бирга-бир ҳолат, лекин ўзидан қулай турган жамоадошига тўпни ҳаводан етказиб берди. Асқаралиевнинг биринчи голи бош билан амалга оширилди 0:1.

Иккинчи бўлим. «Хотира» жамоаси эса хисобни тенглаштиришга ҳаракат қилди. Химоядаги хотиржамлик «Истиқлол»га қимматга тушди 1:1.

Ўйинда Худоберди Холиқов, Рустам Абдуҳамидов ва Мухаммад Расулов харакатланадиган чап қанот доимгидек фаол бўлди. Жамоанинг иккинчи голида ҳам Холиқов, Расулов ва Асқаралиев тандемидан гол вужудга келди. Жамоа жарима майдони ичида дарвоза очиқ қолгунича бир-бирларини тўп билан таъминлаб туришди. Асқаралиев яна диққатимизда 2:1.

Жамоалар харчанд уринишмасин, ҳисобни ўзгартириш ҳеч бир жамоанинг қўлидан келмади. Агар «Андижон» яна бир бор қоқилса энди оёққа туриши амри маҳол. «Истиқлол» уч ўйиндан иккитасини уйида ўтказади. Шуни ҳисобга олсак имконияти юқори. Мағлубиятсиз серия давом этади...

Мухаммад Фарзод тайёрлади