Исмоил Муҳаммад: “Узр мен ҳакам эмас, футболчиман”

Ушбу баҳсдан сўнг “Ал Айн” клуби ҳимоячиси Исмоил Муҳаммад ўз фикрлари билан ўртоқлашди.

“Бунёдкор” клуби билан бўлган ўйинга 1 ой тайёргарлик кўргандик. Тошкентга ташриф буюришимиздан аввал бизни қандай мураккаб учрашув кутиб турганини билардик. “Бунёдкор”га қарши учрашув жуда ҳам оғир кечди. “Бунёдкор” устидан қозонилган ажойиб ўйин ва ажойиб ғалаби билан барча футболчиларга миннатдорчилик билдираман. Энди бундан буёғига олдимизда турган ўйинлар ҳақида ўйлашимиз керак.

Албатта кейинги босқичга чиқиш осон бўлмайди, эндигида гуруҳ босқичида 2 та тур учрашувлари бўлиб ўтди. Ушбу иккита баҳсда йўл қўйилган хатолар устида кўпроқ ишлашимиз керак. Бизга қарши қандай жамоа ўйнишини фарқи йўқ. Биз ўз кучимизга тўлақонли ишонамиз. Ўйлашимча рақиб жамоа ҳам хурматга сазовор ўйин намойиш этди. Катта жамоа бўладими ёки кичкинами, менинг вазифам майдонда ишончли ҳаракат қилиш. Гуруҳ босқичидаги илк учрашувда дуранг натижа қайд этдик. Биз учун бу яхши ҳолат эмас эди. Ушбу икки учрашувлар ортда қолди. Энди гуруҳдаги учинчи баҳс ҳақида ўйлашимиз керак.

“Бунёдкор”га қарши учрашувда пенальтидан урилган гол ҳақида ҳеч нима дея олмайман. Узр мен ҳакам эмас, футболчиман. Менинг вазифам майдонда тўп тепиш. Агарда пенальти бизнинг дарвозамизга белгиланганда ҳам қўлимдан ҳеч нима келмасди. Яхшиямки ундай бўлмади ва биз сафардаги муҳим ғалабани қўлга киритдик”, - дейди “Ал Айн” футболчиси Муҳаммад Исмоил.

Жаҳонгир Сотволдиев суҳбатлашди.