Ислом Тўхтахўжаев: "Энг аввало гуруҳдан чиқишни ўйлаш керак"

Унга кўра Ўзбекистон миллий терма жамоаси В гуруҳидан жой олиб, Хитой, КХДР ҳамда Саудия Арабистони миллий терма жамоаларига қарши кураш олиб борадиган бўлди. Мазкур қуръа ҳақида миллий терма жамоамиз ҳимоячиси Ислом Тўхтахўжаев ҳам ўз фикрларини билдириб ўтди.

- Қуръа натижаларига кўра, гуруҳимиздан Хитой, КХДР ва Саудия Арабистони терма жамоалари ўрин эгаллади. Бу рақибларимизни хурмат қилган холда шуни айтишим мумкинки, Ўзбекистон миллий терма жамоаси улардан қандайдир миқдорда бўлса ҳам устун деб ҳисоблайман. Лекин шунга қарамай гуруҳдан кейинги босқичга чиқиш осон бўлмайди.

- Мақсадимиз энг аввало гуруҳдан чиқишдир. Шу боис кейинги босқич ҳақида олдиндан бир нима дейиш қийин. Дастлаб ўз олдимиздаги биринчи вазифани бажармоғимиз лозим.

- Гуруҳимиздаги рақиблар ҳақида ҳозирча тайинли гап айтишга ҳам қийналаман. Чунки ҳаммаси мусобақа давомида аниқ бўлади. Бу нарса кўпинча тайёргарликка боғлиқ. Таҳминимча В гуруҳидан Ўзбекистон миллий терма жамоасидан ташқари яна Хитой терма жамоаси ҳам кейинги босқичга чиқса керак.

- Шахсан мен учун қайси рақиб билан ўйнашнинг аҳамияти йўқ эди. Қуръанинг кўз кўр дейишади-ку. Шу боис В гуруҳини омадли ёки аксинча деб бўлмайди. Бизнинг вазифа майдонга чиқиб, астойдил ўйнаб олдимизга қўйилган вазифани уддалаш.

Исломбек Рустамбеков суҳбатлашди.