Иско "Манчестер Сити"га ўтиши мумкин
01 apr 2020 06:52
News

Иско "Манчестер Сити"га ўтиши мумкин

Англиянинг "Манчестер Сити" клуби ёзда "Реал"нинг ҳужумкор ярим ҳимоячиси Иско билан таркибини кучайтириши мумкин.

Бу ҳақда "Don Balon" нашри маълумот тарқатди.

Испания терма жамоаси аъзоси "қаймоқранглилар" сафида ўзининг муҳим ўйинчи эканлигини исботлай олмаяпти, лекин мадридликлар уни шунчаки қўйиб юбормоқчи эмаслар. "Реал" футболчининг сотувидан камида 80 млн евро ишлаб олмоқчи. Агар "қироллик клуби" ушбу позицияга эртароқ бошқа кимнидир сотиб олишса, унда Искони арзонроққа ҳам қўйиб юборишлари мумкин.

Шунингдек, футболчига Лондоннинг "Арсенал" ва "Челси" жамоалари ҳам қизиқиш билдиришмоқда.