Иско фақат АПЛ клубига ўтишга тайёр

AS хабарига кўра, Мадриднинг "Реал" клуби ярим ҳимоячиси Иско ёзда жамоани тарк этмоқчи. 27 ёшли испаниялик футболчи "қироллик клуби" бош мураббийи Зинедин Зидан билан суҳбатлашганидан кейин шундай қарорга келган. Маълум бўлишича, ҳар доим ўзини Англияда синаб кўришни орзу қилган Иско фақатгина АПЛ клубларининг таклифларини кўриб чиқади.

Аввалроқ хавбек учун "Арсенал", "Манчестер Юнайтед" ва "Манчестер Сити" клублари кураш олиб бориши ҳақида хабарлар тарқалган эди.

Маълумот учун, Ла Лиганинг жорий мавсумида 16 ўйинда майдонга тушган футболчи биттадан гол ва голли узатмага муаллифлик қилган.