Latest news

00:50U-20 Осиё кубоги саралаши. Ўзбекистон аёллар терма жамоаси Баҳрайнни ўта йирик ҳисобда таслим қилди  0 00:42Отабек Нарзуллаев: "Бугун айниқса ҳимояда кўп хато қилдик"  2 00:25Вадим Абрамов : "Ғалабадан хурсандман, лекин бундай ўйнаш керак эмас"  1 23:31"Милан" "Брюгге"дан салкам 40 млнлик трансферни амалга оширди  0 23:25Сергей Лушчан: "Тенг кучли жамоалар кураши гувоҳи бўлдик"  2 23:15Расман: Томас Мюллер Канада клуби сафига бориб қўшилди  0 22:50Иван Бошкович: "Асосийси жамоамизда ўйин бор"  1 22:25"Бавария" Emirates билан 7 йиллик шартнома имзолади  0 22:00Суперлига. Дарвозаларга 6 та гол урилган оқшомда "Динамо" камбэк эвазига "Машъал"дан устун келди   29 21:30"Челси" ўз ярим ҳимоячисини таҳминан 30 млн фунтга сотди  0 21:10Суперлига. "Навбаҳор" ўз уйида "Сўғдиёна" билан дуранг ўйнади  41 20:49Нуньес "Ал Ҳилол" билан 2028 йилгача шартнома имзолайди. Трансфер суммаси ҳам маълум  3 20:25"Ўзимизнинг "тобуткаш" Кападзега имконият бериш керак" - Миржалол Қосимов МТЖга хорижлик мураббий олиб келиниши ҳақида  33 19:38ПСЖ Сафоновга у асосий дарвозабон бўлмаслигини маълум қилди  3 18:51Исак "Ньюкасл" машғулотларидан четлатилди. Нега?  3

Искандар Шойқулов: "Кўп очко йўқотдик. Умид қиламанки, тез орада ҳаммаси жойига тушади" News

Искандар Шойқулов: "Кўп очко йўқотдик. Умид қиламанки, тез орада ҳаммаси жойига тушади"

Ҳозирда "Андижон" жамоаси Тожикистоннинг Хўжанд шаҳрида йиғин ўтказмоқда.

ФИФА кунлари бошланганлигидан “Бургутлар” унумли фойдаланиб қолиш учун ҳам мазкур йиғин ташкил этилди. Максим Шацких бошчилигида барча футболчилар машғулотларда астойдил, катта меҳнат остида ишлашмоқда. Клуб матбуот хизмати жамоанинг тажрибали футболчиларидан бири Искандар Шойқуловга мазкур йиғин борасидаги айрим саволлар билан мурожаат қилди. 

- Искандар, “Андижон” чемпионатдаги кичик танаффусдан фойдаланиб, Тожикистонда йиғин бошлади. Айтинг-чи, таассуротлар қандай ва бунинг чемпионат мобайнида қай томонлама эффекти сезилади, деб ўйлайсиз?

- Таассуротлар ҳар доимгидек аъло даражада. Янги мураббий иш бошлаган кунидан якка курашларга катта эътибор қаратмоқда. Бу борада жисмоний тайёргарлик кўриш учун Тожикистондаги шароитлар ҳам жуда яхши. Натижаси яқин кунларда сезилади, деб ўйлайман.

- Жамоа эндиликда Максим Шацких бошчилигида ўйнамоқда ва сиз илк бор ушбу мутахассис қўл остида тўп суряпсиз. Қандай ўзгаришларни сезяпсиз

- Ҳа, биринчи марта биргаликда ишлаяпман. Ҳамма мураббийларни ўз ўйин суръати бор. Бу борада мураббийимизнинг услубларидан бири якка кураш ҳамда тезкор ҳужумга ўтиш. Ҳозирда ҳамма эътибор ушбу жиҳатларга қаратилган. Ўйлайманки, мураббийнинг бизга қўйган талабларини бекаму кўст бажаришга ҳаракат қиляпмиз ва бунинг самарасини ўйинлар давомида кўрамиз.

- Биринчи давра якунигача 4 та тур қолди ва бўлажак учрашувлар жамоа учун жуда муҳим. Бу ҳақида сиз нима деган бўлардингиз?

- Жуда кўп очко йўқотдик. Керак бўлмаган голларни ўтказдик. Энди бу йўқотилган очколар ўрнини қолган турларда тўлдиришга бор эътиборимизни қаратамиз. Барчамиз бўлажак учрашувларнинг аҳамияти қанчалик муҳимлигини сезиб турибмиз. Умид қиламанки, ҳаммаси ўз ўрнига тушиб кетади.

- Олдинда "Андижон"ни ОЧЛ баҳслари кутяпти. Мухлислар ҳам бўлажак муҳим мусобақани интиқлик билан кутмоқдалар. Жамоани ОЧЛда қандай тасаввур қиляпсиз?

- Барчамиз интиқлик билан кутяпмиз. Янги таассуротлар, янги даражадаги футболчилар, жуда қизиқ бўлади, ўзим учун ҳам, жамоамиз учун ҳам. Мухлислар кутган ўйинни кўрсатишга ҳаракат қиламиз ва ижобий натижалар билан хурсанд қиламиз, деган умиддаман. 

- Яқинда соч турмагингизни ўзгартирдингиз. Бунгача сиз ўзига хос соч турмаги билан ажралиб тургандингиз...

- Кунлар исиб кетди. Иссиқда эса бу сочни эплаш жуда қийин (кулади).

Rating: +2   

Comments

   
02 jun 15:34:38
Abdumutalibjon Dolimov
Шу Шайқулов ҳам шу вақтгача бирор марта яҳшироқ ўйин кўрсата олмади. Уни ҳам жавобини бериб юбориш керакми дейман.
   
02 jun 14:56:14
K u r b o n o v
Анжонга Кожо келади дейишяпди,ишқилиб ростми?
   
02 jun 14:18:46
Бек 75
Яхши уйнагин Пушкин
championat.asia
< show latest news
Яндекс.Метрика