Иордания Абу Дабида Осиё Кубогига тайёргарликни бошлади

Иордания терма жамоаси куни кеча Абу Даби шаҳрида ушбу мусобақага тайёргарликни бошлади. Маълумот учун, иорданияликлар 2004, 2011, 2015 йилларда ўтказилган Осиё Кубогида иштирок этишган. БААдаги йиғин давомида Иордания терма жамоаси бугун Финляндияга қарши ўртоқлик учрашуви ўтказади.

Ундан кейин 15 январь куни жамоанинг Дания билан ҳам назорат беллашуви бор. Терма жамоа устози Абу Абед бу йиғинга 24 нафар футболчини жалб қилган. "Бизда ҳозир таркиб кучли, Финляндия ва Дания билан бўладиган ўйинлар чоғида йигитларнинг имкониятини яна бир бор кўздан кечириб оламиз", - дейди 53 ёшли мутахассис.