Latest news

21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  12 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  1 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  15 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  3 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  3 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  12 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4

Интервью. Сардор Абдураимов: "Нефтчи"да захирада ўтиргандан, "Машъал"да асосий таркибда ўрнимга эга бўлиш яхшироқ" News

Интервью. Сардор Абдураимов: "Нефтчи"да захирада ўтиргандан, "Машъал"да асосий таркибда ўрнимга эга бўлиш яхшироқ"

Суперлигага қайтган "Машъал" янги мавсумга қизғин руҳда тайёргарлик кўрмоқда.

Муборакликлар қишки трансфер ойнасида таркибга собиқ футболчиси Сардор Абдураимовни ортга қайтарди. Футболчи ўтган мавсумда "Металлург" ва "Нефтчи" жамоаларида тўп тепди. 

- Бир неча кундан сўнг Суперлига старт олади. "Машъал"нинг "Пахтакор"га қарши ўйини қолдирилди.  Тайёргарлик жараёнларига ўзгартириш киритилдими?

- Жисмоний юкламаларни камайтириб "Пахтакор" билан ўйинга тайёргарлик кўришимиз керак эди. Лекин кўрганингиздек учрашув қолдирилди. Натижада мураббийлар тайёргарлик жараёнига бироз ўзгартириш киритди. Ҳозирда ўртоқлик учрашувларида иштирок этмоқдамиз. Икки кунлик таътилдан сўнг яна машғулотларга қайтамиз.

- Чемпионлик учун курашадиган "Нефтчи"ни "Машъал"га алмаштирдингиз. Бунга нима омиллар сабаб бўлди?

- 2024 йилни Бекобод ва Фарғонада ўтказдим. Юқори жамоаларда талаб ҳам шунга яраша бўлади. Қаердадир ўйин амалиётисиз қолиб кетдим. Барқарор ўйнаш истаги юқори бўлгани учун "Машъал"га келдим. Бу жамоа менга бегона эмас, ўзим шу ерда таълим олганман. Суперлигага чиққан жамоага ёрдам беришни истайман. "Нефтчи"да захирада ўтиргандан "Машъал"да асосий таркибда ўрнимга эга бўлиш яхшироқ деб ўйлайман. 

- Жамоаларнинг тайёргарлигидан келиб чиқсак, "Машъал"нинг Суперлигадаги иштирокини қандай тасаввур қиляпсиз?

- Охирги йилларда жамоалар бир-бирига яхши қаршилик кўрсатмоқда дея оламан. Оддий мисол бир неча мавсум олдин ёшларни ўйнатган "Сурхон"ни ҳамма тушиб кетади деб тахмин қилган. Лекин ундай бўлмади, барқарорликка эришишди. "Машъал"ни ҳам қолган жамоаларга қаршилик қилишини айтган бўлардим. Ўзим келиб машғулотларда иштирок этдим. Ўйинимизда мураббий имзоси кўриниб турибди. 

- Мавсумни "Пахтакор"га қарши бошлашни кутганмидингиз?

- Тўғриси кучлироқ жамоалар билан тўқнаш келишни истаган эдик. Нима учун? Суперлигани ҳис қилиб олишимизда рақиблар билан ўйинлардаги катта иштиёқ ёрдам берарди. Жамоалар 5-6 та турдан сўнг спорт формасига киришиб олишади. Истаймизми ёки йўқ Про лига жамоалари билан ўйинларда бўшашиш эҳтимоли бўлади. "Пахтакор"га тушганимиз яхшиликка хизмат қилишига умид қиламан. 

- Ҳумоюн Муртозаев билан қайси жамоада бирга ўйнасангиз ҳам ажойиб тандем ҳосил қилгансиз. Маълум бир вақтдан сўнг яна битта жамоадасиз...

- Ҳумоюн билан ҳар доим бир жамоада ўйнашни истаганман. "Бунёдкор"да, кейин "Турон"да ҳам бирга тўп тепдик. "Металлург"да ўйнаган вақтимда уни чақирмоқчи бўлганман. Бир-биримизни кўзимизни юмиб ҳам тушунамиз. Ўйлашимча, Ўзбекистонда энг яхши тушунадиган шеригим Ҳумоюн бўлади. Янги мавсумда ҳам бирга энг яхши ўйинларимизни кўрсатишимизга ишонаман.

Rating:    

Comments

championat.asia
< show latest news
Яндекс.Метрика