Latest news

02:15Францияда ҳам чемпионат старт олди  0 01:57АПЛ старт олди: "Ливерпуль" мавсумни қийин ғалаба билан бошлади  18 01:33Башар Ресан: "Бу ғалабали йўлни "Андижон"га қарши ўйинда ҳам давом эттирмоқчимиз"  2 01:20"Манчестер Сити" ҳимоячиси "Ноттингем"га ўтиши мумкин  0 01:00"Ал Ҳилол" қачон Қаршига келади? "Насаф"нинг Элит ОЧЛдаги тақвими маълум  1 00:49Уго Экитике - АПЛнинг 2025/26 йилги мавсуми илк голи муаллифи!  1 00:32"Байер" Эрик тен Хаг қўл остидаги илк расмий ўйинида йирик ғалаба қайд этди  2 00:06ЛаЛига қайтди! Илк ўйинда Мадрид жамоаси Каталонияда ғалабага эришди  0 23:57Жованни Леони дунёнинг энг яхши ҳимоячиси кимлигини айтди  1 23:40Ханс-Дитер Флик: "Учта соврин - бошланиш ҳолос"  8 22:59Иван Бошкович: "Бугун биз яхши рақибга мағлуб бўлдик, бундан трагедия ясаш керак эмас"  3 22:30"Ливерпуль" 18 ёшли ҳимоячини 35 миллион еврога сотиб олди  0 22:15"Андижон"га қарши ўйин, "Насаф"нинг Элит ОЧЛдаги имконияти, бугунги ҳимоявий ўйин ҳақида - Камолиддин Тожиев иштирокидаги матбуот анжумани  6 21:47"Андижон"нинг халқаро майдондаги ўйинлари тақвими маълум қилинди  19 21:28Микель Артета: "Арсенал" катта соврин ютиши керак"  1

Интервью. Рустам Ашурматов нима учун "Гвангжу"ни танлаганини тушунтириб берди News

Интервью. Рустам Ашурматов нима учун "Гвангжу"ни танлаганини тушунтириб берди

Ўзбекистонлик ҳимоячи Рустам Ашурматов Жанубий Кореянинг "Гвангжу" клубига кўчиб ўтди.

Айни пайтда янги клуби билан янги мавсумга тайёргарлик кўраётган ҳамюртимиз билан боғланиб суҳбатлашдик.

- Янги клубга ўтиш қандай содир бўлди?
- Дастлаб "Гвангжу" клубидан "Бунёдкор"га таклиф келиб тушган. "Бунёдкор" раҳбарияти ушбу таклиф ҳақида менга айтишди. Тўғриси таклиф устида жуда кўп ўйладим. Кўпчилик билан маслаҳатлашдим ва охири бу жамоага ўтишга розилик бердим.

- Трансфер қайси агент орқали амалга ошди?

- Бу ўтиш "Бунёдкор" жамоаси раҳбарияти орқали амалга ошди. Икки клуб ўзаро келишиб трансферни амалга оширишди.

- Янги клубингиз ҳақида қандай фикрдасиз?

- Ҳозирда фикрларим ижобий, сабаби жамоа ва ундаги шароитлар жуда ҳам яхши. Мураббийлар, футболчилар барчаси менда яхши таассурот қолдиряпти.



- Сизга Суперлига клубларидан ҳам таклифлар бўлган экан. Нима учун хорижни танладингиз?

- Ҳа, албатта Суперлигадаги жуда кўп жамоалардан таклифлар бўлди. Лекин ўзимни легионер сифатида синаб кўришга қарор қилдим. Албатта менга таклиф билан чиққан жамоаларни ҳурматини сақлаган ҳолда номларини ошкор қилмайман. Таклиф учун барча жамоаларга раҳмат айтиб ўтаман.

- Янги клубингизнинг бу йилги мақсади қандай?

- "Гвангжу" ўз олдига юқори мақсадларни қўйган. Аниқроғи бу йилги вазифа Жанубий Корея олий лигасига чиқиш.

- Кореяда тил борасида қийинчилик юз бермайдими?

- Тил борасида балки озроқ қийинчилик бўлар, лекин ҳеч бир иш осонликча бўлмайди-ку. Қўлимдан келганча тил ўрганишга ҳаракат қиламан.

- Бу клубда ўзбек мухлисларига яхши таниш бўлган Сато Минори ҳам ўйнаган экан. У клубдан кетганми?

- Ҳа, Сато Минори ўтган йили бу жамоа сафида ўйнаган экан. Лекин ҳозирги кунда у жамоада йўқ.



- Фурсатдан фойдаланиб қайси мураббийларга раҳмат айтмоқчисиз?

- Раҳмат айтадиган мураббийларим жуда ҳам кўп. Тоғам Бахтиёр Ашурматовга, Миржалол Қосимовга, Сергей Лушанга, Равшан Ҳайдаровга ва албатта ёшликдаги биринчи мураббийларимга миннатдорличилигимни билдираман. Улардан кўп нарсалар ўргандим ва ўрганишда давом этаяпман. Ҳозирда худога шукр барча ишлаган мураббийларим билан алоқам яхши.

- "Бунёдкор" клуби мухлисларига айтар сўзингиз...

- "Бунёдкор" мухлисларини жуда ҳам қаттиқ ҳурмат қиламан. Улар билан алоқамизни сақлаб қоламиз деган умиддаман. Балки уларга жамоадан кетганим оғир ботгандир, лекин мени тўғри тушунишларини жудаям хоҳлардим. Мен қалбим билан доим "Бунёдкор" биланман, Олға "Бунёдкор"!


Нарзулла Сайдуллаев суҳбатлашди

Rating: +63   

Comments

championat.asia
< show latest news
Яндекс.Метрика