Latest news

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  8 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Интервью. Роберто Манчини: "Жамоа мавсум оралиғида ўсишга эриша олади" News

Интервью. Роберто Манчини: "Жамоа мавсум оралиғида ўсишга эриша олади"

“Sky Sport” телеканали ижодкорлари "Интер" устози Роберто Манчинидан жамоанинг ёзги трансферлар учун режалари тўғрисида кўпчиликни қизиқтирган саволларга жавоб олишди. “Вольфсбург”дан хорватиялик Иван Перишичнинг “Интер” сафига қўшилиши шу кунларда муҳокама қилиняпти. Суҳбат Перишич юзасидан савол билан бошланди.
- Перишич билан шартнома имзолашга ҳозирланяпсизми?
- Билмайман. Уни кўплаб клублар таркибига қўшиб олмоқчи. “Вольфсбург” эса у билан хайрлашишни хоҳламаяпти. 8-9 нафар футболчини сотиб олиш ҳақидаги гаплар шунчаки ҳазил эди.

- Жамоани кескин ўзгаришлар кутмоқдами?
- Мендан сўрашганда 10 нафар футболчи керак деб айтмаслик учун 8-9 нафар дея жавоб бергандим (кулади).

- Ковачич юқори савияли футболчими ёки шунчаки яхши?
- У юқори савияли футболчига айланади. Унда бунинг учун барча жиҳатлар мавжуд. Унинг хатолари ҳали жуда ёш эканлиги туфайли бўляпти. Шу билан бирга характер тарафдан анча ўсишга эришди.

- Ковачич жамоада қоладими?
- Ўйлашимча, ҳа. Ҳозирги пайтда бошқа сценарий йўқ.

- “Интер”ни кейинги мавсумда қандай кўряпсиз?

- Ушбу мавсумда бўлганидан кескин ўзгаришлар бўлмайди деб ўйлайман. Кўп нарса кучайишга боғлиқ. Осон бўлмаган трансфер ойнаси кутилмоқда. Ҳозир юқори савияли ўйинчилар жуда кўп эмас. Бундай футболчиларга эга клублар улар билан хайрлашишни исташмайди. Керакли ўйинчиларни топиш учун фаол ҳаракат қилиш лозим бўлади.

- Ҳимояда ўзгаришлар бўладими?
- Январда бир ҳимоячини қўшиб олганмиз. “Интер” уни кузатиб борганди. У яхши тезликка эга ва жамоани кучайтиради. Кейин нима бўлишини кўрамиз. Ҳозир ким сотиб олинишини тасдиқлаш қийин.

- Ярим ҳимояни кучайтириш устида иш олиб бориляптими? Туре билан боғлиқ омадсизлик ва Мело ҳамда Кондогбия билан боғлиқ ҳолатга изоҳ бера оласизми?
- Бу футболчиларга трансферлар бозорида талаб катта. Улар билан фақатгина биз қизиқмаяпмиз. Нимани амалга ошириш насиб этишини кўрамиз.

- “Интер” нима учун сиз келгандан кейин кучайиб кета олмади?
- Ўйлашимча, ўйинда баъзи кучайишларни уддаладик. Афсуски, бу натижаларда акс этмади. Жамоа кўплаб зарур бўлмаган хатоларга йўл қўйди. “Ювентус” ва “Женоа” билан учрашувларда ғалаба қозонганимизда барчаси бошқача кўриниш оларди. Шу билан бирга жамоа амалга оширган ишдан қониқиш ҳосил қилдим. Келаси мавсумда ўйинимизда хатолар сонини имкони борича камайтиришимиз керак бўлади.

- Клуб етакчи футболчилардан кимнидир сотиб юборишга мажбур эканлиги ростми? Айнан кимни?
- Бунга зарурат бор деб ўйламайман. Ҳозир барча футболчилар менинг назоратим остида. Бундай таваккалга бормасак керак.

- Жамоага скудетто учун курашишга нималар зарур?
- Скудетто учун курашишга уриниб кўрамиз. Ҳозирги таркиб билан ҳам курашишга имконият мавжуд. Жамоа ўсишга эришди ва мавсумлар оралиғида янада ривожланиши мумкин.

- Михайловичга қарши дерби қандай бўлади?
- Шубҳасиз, ноодатийроқ бўлади. Мен у “Милан”ни бошқаришидан хурсандман. Синиша ҳозир “Милан”дек буюк жамоани бошқариш учун етарлича тажрибага эга.

- Ибрагимовични “Интер”га қайтарган бўлармидингиз?
- У ҳамон ўйин тақдирини бир ўзи ҳал қилиши имкониятига эга. Албатта, қайтарган бўлардим.

- Шакири фойдасига қарор қабул қилганингиздан афсусланмайсизми?
- Йўқ. У яхши савиядаги футболчи. Баъзида ўйинчиларга янги жамоага кўникиб кетиш учун вақт керак бўлади. Шу сабабли омадли ва омадсиз ўйинлар рўй бериб туради.

- Моратти қачондир “Интер”ни ўзига қайтариши мумкинми?
- Билмайман. Унинг орзуси? Кўп йиллар давомида у президентлик қилди. Барча совринларга эга чиқди. Шунчаки билмайман.

- Италия терма жамоасини бошқариш хоҳиши борми?
- Тўғриси, билмайман. Шубҳасиз, бу катта фахр бўлади. Терма жамоани бошқариш барчага ҳам насиб этмайди. Қачондир уни бошқарсам, бундан хурсанд бўламан.


Беҳзод Назаров тайёрлади.
Rating:    

Comments

championat.asia
< show latest news
Яндекс.Метрика