Latest news

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  16 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  25 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  374 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Интервью. Кларенс Зеедорф: "Чиройли ўйин доим ҳам фойда беравермайди" News

Интервью. Кларенс Зеедорф: "Чиройли ўйин доим ҳам фойда беравермайди"

Голланд футболининг "Олтин авлод" вакилларидан бири Кларенс Зеедорф ФИФА расмий сайтига интервью берди.

Маълумки, Кларенс Зеедорф футболчилик фаолиятини юқори нотада ўтказган. Унинг айниқса "Милан"да кечган йилларини футбол ишқибозлари жуда яхши эслашади. 

Эндиликда Зеедроф мураббий сифатида ҳам ўзини кўрсатмоқчи. Ўтган йилнинг август ойидан бери Камерун терма жамоасини бошқариб келаётган голландиялик юлдуз яқинда ФИФА сайти учун интервью берди. 

- Кларенс, тўққиз ойдан бери Камерун терма жамоасини бошқаряпсиз. Ўз ишингизни қандай баҳолайсиз? 

- Биз жаҳон чемпионати саралаш босқичини яхши ўтказдик. Марокаш билан бир хил очко жамғардик. Бироқ тўплар нисбатига кўра улар мундиалга йўл олишди. Бизга фақат иккита гол етмай қолди. 

- Ўшанда учрашув мезбони ўзгаргани сизга алам қилганмиди? 

- Мен биринчи кунданоқ гуруҳ пешқадами бўлишни хоҳлашимизни айтгандим. Биз учун ҳар бир ўйин муҳим бўлиб, машғулотларда ҳам шунга яраша ишлагандик. Аммо якунда вазият ўзимиз хоҳлагандек тус олмади. 

- Сизга ҳатто "Реал Мадрид"дан таклиф тушганди? 

- Албатта, "Реал"дан қизиқиш бўлиши ҳар қандай кишини хурсанд қилади. Бироқ Камерун ҳам Африканинг энг кучли терма жамоаларидан бири ҳисобланади. Бу жамоа катта тарихга эга ва Россияда бўлиб ўтган жаҳон чемпионатига бора олмагани мухлисларни жуда хафа қилди. 

- Нима деб ўйлайсиз, Камерун шу йилнинг ёзида (21 июнь - 19 июль) Мисрда бўлиб ўтадиган Африка Миллатлар Кубогида зафар қуча оладими? 

- Буни ҳар бир камерунлик хоҳлайди. Бош мураббий сифатида мен ҳам шундай бўлишини истайман. Биз жуда яхши формадамиз ва футболчилар мусобақага ниҳоятда жиддий тайёргарлик кўришмоқда. Мана кўрасиз, бизга қарши баҳс ҳеч бир жамоа учун осон кечмайди. 

- Африка жамоасидан тушган таклифни қандай қабул қилдингиз? 

- Камерун худди Бразилияга ўхшайди, бу ерда иқтидорлар жуда кўп. Футболчиларни қадрлашади ва ҳар бир мухлиснинг ўз ёқтирган ўйинчиси бор. Табиийки менда ҳам футболни яхши кўрадиган мамлакатда ишлаш хоҳиши туғилди. 


- Мураббийлар штабида сизга Патрик Клюйверт ёрдам беряпти ва уни 25 йилдан бери биласиз. Мураббий сифатида бир-бирингиз билан тил топишиш қийин бўлмаяптими? 

- Биз ажойиб тандемга ўхшаймиз. Бир-биримизни жуда яхши тушунамиз. Бу мураббийлик фаолиятида муҳим ўрин тутади. Бир сўз билан айтганда Патрик билан ишлаш фантастика. 

- 1998 йил сиз таркибида ўйнаган Голландия жаҳон чемпиони бўлиши мумкин эди, шундай эмасми? 

- Биласизми, кўп нарса менталитетга ҳам боғлиқ. Голландияда доим чиройли футболга эътибор қаратиб келинган. Буни ўз вақтида мен ҳам танқид қилгандим, чунки ҳар доим ҳам чиройли футбол наф бермайди. Италиянинг ўйинини ҳеч ким мақтамаслиги мумкин, лекин улар тўрт марта жаҳон чемпиони бўлишган. Тўғри, футбол барибир ўйин тури, лекин ютиш учун баъзан бошқача муносабатда бўлишга тўғри келади.

Rating: +13   

Comments

championat.asia
< show latest news
Яндекс.Метрика