“Интер” Мозес бўйича бир қарорга келди

Миланнинг “Интер” клуби “Челси”дан ижарага олинган Виктор Мозесни сотиб олмайдиган бўлди.

Миланликлар Лондон клуби талаб қилаётган 12 млн еврони тўлай олмаслигини билдирган. Аслида “Интер” Мозес трансфери бўйича “Челси”нинг чегирма беришини кутганди, бироқ “аристократлар” нархни туширишни истамади.

Мозес “Интер”га 2020 йил қишида келганди. Унинг ижараси 2019/20 йилги мавсум сўнгида якунига етади. Футболчи “Интер” сафида 7 та ўйинда қатнашиб, 1 та голли узатма берди.