Инсайдер: “Перишич расман Лондон клуби билан шартнома имзолади”

Манбага кўра, “Интер” ярим ҳимоячиси Иван Перишич “Тоттенхэм” билан 2 йиллик шартнома имзолади.

33 ёшли футболчи тиббий кўрикдан муваффақиятли ўтди ва битимга имзо чекди. Яқин фурсатларда трансфер расман эълон қилинади.

Перишич 7 йилдан бери “нерадзуррилар” шарафини ҳимоя қилиб келаётганди. У якунланган мавсум 49 ўйинда 10 та голли узатмани ўз ҳисобига ёздирди. Хорватияликнинг янги клубидаги маоши эса 6 млн евро атрофида бўлади.

Қайд этиши жоизки, “шпорлар” футболчини текинга қўлга киритди. “Тоттенхэм” устози Антонио Контенинг шахсан ўзи хавбекни жамоасида кўришни хоҳлаганди.