Инчеон-2014. Спортчиларимизнинг кечаги иштироки

Жумладан, байдарка ва каноэда эшкак эшиш бўйича ўтказилган мусобақаларда юртимиз спортчилари муваффақиятли одимлашди.



Ўз йўналишдарида Вадим Меньков, Алексей Мачалов, Сергей Борзов, Вячеслав Горн, Эрнест Эрназаров, Александр Тропин, Мирзиёд Ҳожиев, Серик Мирбеков, Герасим Кочнев, Ольга Умаралиева, Ксения Калинина ва Виктория Осокина финал босқич йўлланмасини қўлга киритишди. Энди бу спортчиларимиз медаллар учун курашишади. Эркин курашчимиз Бекзод Абдураҳмонов илк олтин медални тақдим этди.



Медал кутаётганимиз – енгил атлетика бўйича ўтказилган мусобақаларда Ситора Ҳамидова 10 минг метр масофага югуриш баҳсларида 32 дақиқа 12.54 сония натижа билан 4-ўринни эгаллади. Ядро улоқтиришда Сафия Бурханова 16.95 метр натижа билан 5-ўринни банд этди. Босқон улоқтиришда Сухроб Хўжаев 71.43 метр натижа билан 5-ўрин билан кифояланди.

Хабар берганимиздек, велошоссе баҳсларида ҳамюртимиз Муроджон Холмуродов бешинчи натижани қайд этди.