Ильдар Сакаев: “Ҳеч бир ўйин осон ўтмаяпти”
22 apr 2018 13:38
News

Ильдар Сакаев: “Ҳеч бир ўйин осон ўтмаяпти”

ПРО-Лиганинг 3-туридан ўрин олган “Андижон” – “Хоразм” (3:1) ўйинидан сўнг мезбонлар бош мураббийи Ильдар Сакаев сайтимизга интервью берди.

"Ҳеч бир ўйин осон ўтмаяпти. Бугун ҳам хатоларимизни кўрсатиб берди – дея гап бошлади Ильдар Усманович.

- Нотўғри харакатларимизни ўрганиб чиқамиз. Бизда босим бор эди, "Хоразм"да босим йўқ. Чиройли шаҳар, чиройли стадион, ажойиб мухлислар маза қилиб футбол ўйнашди меҳмонлар. Биз эса ғалаба учун босим остида ўйнадик. Ҳали кўп ишлаймиз. 3:1 яхши натижа. Футболчилар машина эмас, уларга ҳам дам бериб туриш керак.

Чемпионат давомида мана шундай қийин ўйинлар ҳам бўлиб туради. "Навбаҳор" билан кубок баҳсидан сўнг тикланиш жуда оғир бўлди. Шогирдларим ўзларига келиб олишди ва ғалаба қозондик", - дейди Сакаев.