Икром Алибоев "Сеонгнам"ни тарк этишга яқин
18 dec 2024 20:29
News

Икром Алибоев "Сеонгнам"ни тарк этишга яқин

Ўзбекистонлик ярим ҳимоячи Икром Алибоев "Сеонгнам" клубини тарк этиши кутилмоқда.

Бизга етиб келган маълумотга кўра, клуб раҳбарияти ўтган мавсумдаги ёмон иштирокдан кейин бюджетни 50 фоизга қисқартириб юборган. Шу боис легионерлар ва катта маош оладиган маҳаллий футболчилар билан шартномани муддатдан олдин бекор қилиш бўйича иш олиб бормоқда.

Катта эҳтимол билан Алибоев ҳам клубни тарк этади ва эркин агентга айланади. Икром оилавий шароити туфайли Ўзбекистонга қайтиши мумкин. Маълумот учун, Алибоев Сервер Жепаровдан кейин К лигада 100дан ортиқ ўйин ўтказган иккинчи ўзбекистонлик футболчи ҳисобланади.