Икки ЖЧ финалини бошқарган рефери 2023 йилнинг энг яхши ҳаками деб топилди
05 jan 18:29
News

Икки ЖЧ финалини бошқарган рефери 2023 йилнинг энг яхши ҳаками деб топилди

IFFHS талқинига кўра, 2023 йилнинг энг яхши футбол ҳаками эълон қилинди.

Футбол тарихи ва статистикаси халқаро федерацияси (IFFHS) 2023 йилнинг "Энг яхши ҳаками" номини эълон қилди. Бу номга польшалик Шимон Марчиняк лойиқ топилди.

Марчиняк ўтган йил Қатарда ўтказилган ЖЧ финалини бошқарганди. Бундан ташқари Марчиняк клублар ўртасидаги ЖЧ финалидаги "Манчестер Сити" ва "Флуминенсе" беллашувини ҳам бошқариб борганди.

Эътиборлиси, 2022 йил якунларига кўра ҳам айнан Шимон энг яхши ҳакам деб тан олинганди.

Рейтингда иккинчи поғона италиялик Даниэле Орсатога, учинчи — француз Клеман Тюрпенга насиб этди.