Игорь Штимац: "Фозил ўзини ёмон ҳис қилгани учун алмаштирдим"

"Локомотив"ни ғалаба билан табриклайман. Бугун иккала жамоа кўпроқ гол уриши мумкин эди. Биринчи ўйинда ҳам "Локо" ўзини яхши кўрсата олганди, улар дарвоза ёнига келганида нима қилишни биздан яхшироқ билишар экан. Биринчи бўлимни биз назорат қилдик дея оламан, фақат сўнгги пасни беришда хатоликларга йўл қўйдик. "Локомотив"нинг голидан сўнг биз кўпроқ ҳужумга ўтдик, аммо Халатбори йўқлиги билинди, - дейди Игорь Штимац.

- Фозил Мусаевнинг алмаштирилишига нима сабаб бўлди?
- У ўзини ёмон ҳис қилаётганини айтди. Шифокорларга ўзини ёмон ҳис қилаётганини айтди. Шу боис Фозилни алмаштирдим.

- Бугунги мағлубиятдан сўнг "Сепахон"нинг гуруҳдан чиқиш имкониятини қандай баҳолайсиз?
- Жуда кам. Аммо ҳали имкониятимиз бор. Икки ўйинда ғалаба қозонишимиз лозим. Умид қиламизки "Локо" "Ал Наср"га қарши ўйинларда очко ололмайди. Шунда гуруҳдан чиқишимиз мумкин. Аммо унга қадар бизни "Истиқлол"га қарши ўйин кутиб турибди.

Нарзулла Сайдуллаев