Игорь Шквирин: “Нефтчи”га кўп жабҳада ютказдик”

-  Бугунги ўйин давомида “Нефтчи” жамоасининг ғалабага бўлган иштиёқи ўта юқори эканлиги билиниб турарди. Афсус, бугун бизнинг кунимиз эмас экан. Кўп жабҳада рақибга имкониятни бой бердик.
-  “Олмалиқ”нинг ҳужумларига якун етишмади. Тўғрими ?
-  Ҳужум муаммоси ҳамма клублар қатори бизда ҳам бор. Айни пайтдаги ҳужумчиларимиз ҳам ёмон эмас. Уларнинг харакатларидан қониқиш ҳосил қилдим.
-  Бугун “Олмалиқ” мағлуб бўлди. Лекин сиз ўзингизни жуда хотиржам тутяпсиз. Буни қандай изоҳлаш мумкин ?
-  Мен мағлубиятларни хотиржамлик билан қабул қиламан. Мағлубиятдан ваҳима қилмаслик керак аксинча  ундан тўғри хулоса чиқариш лозим, - деди “Олмалиқ” бош мураббийи

“Нефтчи” матбуот хизмати