Игало: “Бу тушим ё ўнгимдалигига ҳали ҳам ишонолмайман”

Аввалроқ, МЮ “Шанхай Шенхуа” билан келишиб, Игалонинг ижара муддатини 2021 йилнинг 31 январигача узайтирганди.

“Жуда ҳурсандман. “Манчестер Юнайтедда ўйнаш – бу орзу. Энди бу ерда январ охиригача қолишимни биламан, бу жуда зўр. Мен ҳақимда турли хил гап-сўзлар янгради, аммо барчаси айнан шундай тугаганидан бахтиёрман. Энди бари расмий тарзда ҳал бўлди.

“Манчестер Юнайтед”да ўйнасанг, жамоаларга бошқача қарайсан. Сен дунёдаги энг етакчи клублардан бири учун ўйнашингни сезасан. Буни клуб ходимларининг фаолияти, яратиб берилган шароитлар орқали кўриш мумкин. Бу ерда барчаси одатдагидан жуда ҳам фарқ қилади. Буларнинг ҳаммаси тушим ё ўнгимдалигига ҳали ҳам ишонолмайман”, дейди Игало.