IFAB видеотакрорлардан воз кечди
01 mar 2015 10:03
News

IFAB видеотакрорлардан воз кечди

Футбол ассоциацияларининг халқаро қўмитаси (IFAB) видеотакрорларни тестлашни камида 12 ойга қолдирди.

Шанба куни IFAB аъзолари - Англия, Шотландия, Уэльс ва Шимолий Ирландия ассоциациялари ҳамда ФИФА Белфастда йиғилиб миллий кубокларда ҳакамларга видеотакрорлардан фойдаланиш борасидаги таклифни кўриб чиқишди.

FA президенти Грег Дайк IFAB аъзоларидан ушбу таклифга рози бўлишга чақирди, бироқ қолган аъзолар бунга рози бўлишмади.

Яқин 12 ой ичида видеотакрорлар борасида қўшимча музокаралар бўлиб ўтиши келишиб олинди. Бир йилдан сўнг IFAB бу ғояга яна қайтади.

Эслатиб ўтамиз, Футбол ассоциацияларининг халқаро қўмитаси 1886 йилда ташкил топган. Футбол қоидаларига ўзгартириш киритиш учун IFAB аъзоларининг камида 75 фоиз овозлари керак.

Link :

Source : sports.ru

Receive latest football news directly on your phone. Subscribe for our Telegram channel!

Rating: