Ибрагимович қаерда машғулотлар олиб бормоқда?

Швециялик футболчи "Хаммарбю"да машғулотлар олиб бормоқда. Қайд этиш керакки, клубнинг 25% акцияси 38 ёшли Златанга тегишли.

"Златан ўз оиласи билан бирга Стокгольмда ва у яна тепга тегишни хоҳлаган. Биз шунчаки машғулотларни олиб бордик, аммо душанба кунидан жамоавий машғулотга қайтамиз ва Ибрагимович биз билан машғулотлар олиб бориши мумкин", - дейди "Хаммарбю" спорт директори Йеспер Янссон.

Эслатиб ўтамиз, Швецияда коронавирус билан боғлиқ вазият бошқача. Мамлакатда 9141 нафар коронавирусга чалинган инсон аниқланганига қарамай, карантин эълон қилинмаган.