Ибрагимович: "Менга энг зўр эканлигимни исботлаш учун "Олтин тўп" керак эмас. Бу шунчаки чиройли буюм, бошқа ҳеч нарса эмас"
13 dec 2021 01:44
News

Ибрагимович: "Менга энг зўр эканлигимни исботлаш учун "Олтин тўп" керак эмас. Бу шунчаки чиройли буюм, бошқа ҳеч нарса эмас"

"Милан" ҳужумчиси Златан Ибрагимович "Олтин тўп" ҳақидаги саволга жавоб берди.

40 ёшли футболчи бу совринга эга бўлмаганидан хавотирда эмаслигини яна бир бор таъкидлади ва бу совринга бефарқ муносабатда бўлиш сабабларини ҳам айтиб ўтди.

"Менга энг зўр эканлигимни исботлаш учун "Олтин тўп" керак эмас. Бу шунчаки чиройли буюм, бошқа ҳеч нарса эмас. Мен ҳар куни жисмоний оғриқ билан уйғонаман, лекин ўз устимда ишлашни давом эттириш учун менда адреналин етарли. Ҳозир бу адреналин Скудеттони забт этиш учун сарфланмоқда, бу ҳали ҳам менинг асосий мақсадим", - деди Ибрагимович.

Эслатиб ўтамиз, шанба куни Златан "Удинезе" билан ўйинда қўшиб берилган вақтда ҳисобни тенглаштириш орқали жамоасини мағлубиятдан қутқариб қолганди.

Link :

Source : MilanNews

Receive latest football news directly on your phone. Subscribe for our Telegram channel!

Rating: +9