Ибрагимович фаолиятидаги 500-голини киритди
16 sep 2018 08:37
News

Ибрагимович фаолиятидаги 500-голини киритди

“Лос-Анжелес Гэлакси” клуби MLS чемпионати доирасида “Торонто” жамоаси меҳмони бўлиб, мағлубият аламини тотиб кўрди.

“BMO Филд” стадионида ўтган ва голларга бой бўлган баҳсда майдон эгалари 5:3 ҳисобида зафар қучишди. “Гэлакси” клуби ҳужумчиси Златан Ибрагимович жамоасининг голларидан бирига муаллифлик қилди.

Биринчи бўлим сўнггида швециялик 36 ёшли юлдуз ғаройиб зарба билан рақиб дарвозасини ишғол этди. Бу Ибрагимовичнинг фаолиятидаги юбилей 500-голи сифатида тарихга кирди. Ибрагача Криштиану Роналду ва Лионель Месси айнан 500тадан гол киритишнинг уддасидан чиқишганди.

Маълумот учун, жорий мавсумда Златан MLS доирасидаги 22та учрашувда майдонга тушиб, 17та гол киритган. Ибрагимович “Лос-Анжелес Гэлакси”га жорий йилнинг март ойида “Манчестер Юнайтед” жамоасидан келиб қўшилган эди.