Latest news

00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  5 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  5 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0 21:21"Милан" "Реал"дан Фран Гарсиянинг нархини сўради. "Қироллик клуби" эса...  0 20:56Хави Симонс Лондон клубига ўтишга тайёр  0 20:18Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда  2 19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  4 19:14Гвардиола мўйловини ўстирди  11 18:45Ўртоқлик ўйини. "Арсенал" ва "Ньюкасл" ўртасида Сингапурдаги ўйинда 5 та гол урилди  2 17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  2 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  5

Ҳусниддин Ғофуров: "Терма жамоага таклиф этилганимдан жуда ҳам хурсандман" News

Ҳусниддин Ғофуров: "Терма жамоага таклиф этилганимдан жуда ҳам хурсандман"

Жорий мавсум фаолиятини Сербия премьер лигаси иштирокчиси "Явор"да ўтказаётган Ҳусниддин Ғофуров ниҳоят миллий терма жамоамиздан чақирув олди.
Миржалол Қосимов 27-29 май кунлари Уммон миллий терма жамоасига қарши кечадиган баҳсга таклиф этган футболчилар қаторида Ғофуровнинг жой олганини билгач, дарҳол у билан алоқага чиқдик. 20 ёшли футболчи терма жамоадан чақирув бўлганидан жуда ҳам хурсанд эканлигини у билан қилган суҳбатимиз чоғида англаб етиш қийин кечмади. Боиси Ҳусниддин илк бор миллий терма жамоага чақирилди.

- Салом, Ҳусниддин! Аввало биринчи бор миллий терма жамоамиз йиғинига таклиф этилганингиз билан табриклаймиз.
- Табрик учун раҳмат. Биласизми терма жамоа мураббийлари назарига тушишимда қайсидир маънода матбуотнинг ҳам ўрни катта бўлди. Айниқса "СА" мени кўпроқ ёритиб борди. Бунинг учун сизларга ҳам миннатдорчилигимни билдириб қоламан. 

- Терма жамоадан таклиф ҳар қандай футболчига завқ бағишлайди. Айниқса сиздек ёшлар учун. Тўғрими?
- Албатта, Ватан жамоаси учун ўйнашни ҳар бир футболчи истайди. Шу жумладан мен ҳам мамлакатимиз бош жамоаси шарафини ҳимоя қилишни хоҳлайман.

- Терма жамоага таклиф этилганингиз ҳақида биринчи бўлиб кимдан хабар топдингиз?
- Бу ерда бўш пайтларимни кўпроқ интернетда ўтказиб, юртимиз футболидаги янгиликлар билан ҳам бохабар бўлиб боришга ҳарака қиламан. "СА"нинг эса доимий ўқувчисиман. Миллий 16 май жума куни, битта хабар чиқди ва шунда эртага миллий терма жамоага таклиф этилганлар рўйхати эълон қилинса керак дейилганди. Шундан буён сайтни диққат билан кузатдим. Ниҳоят терма жамоага чақирув олганлар рўйхати чиқди. Ўқисам, у ерда менинг ҳам фамилиям турибди. Очиғи, шундан кейин жуда ҳам хурсанд бўлиб кетдим.

- Фақат очиғини айтинг, терма жамоага таклиф этилишингизга қанчалик ишонгандингиз?
- Ҳар бир футболчи сингари Яратгандан сўрардимки, миллий терма жамоага мени ҳам таклиф этишларини. Худога шукур ниятимга етдим.

- Энди бўлғуси ўйинларда ўзингизни кўрсатишингиз талаб этилади. Чунки мухлислар ҳам Сербия премьер-лигасида ўйнаётган Ғофуровни диққат билан кузатишлари аниқ. Буни ўзингиз ҳам тушуниб турган бўлсангиз керак?
- Ҳа. Албатта бор имкониятимни ишга солиб, ўзимни кўрсатишга ҳаракат қиламан. Ахир бундай таклиф ҳар доим ҳам бўлавермайди. Берилган имкониятдан унумли фойдаланиб қолишга астойдил ҳаракат қиламан.

- "Явор"дагилар терма жамоага таклиф этилганингизни қандай қабул қилди?
- Назаримда ҳозирча улар бундан бехабар. Балки шу кунларда клубга чақирув қоғози келгач, кейин менга айтишар.


Исломбек Рустамбеков суҳбатлашди.
Rating:    

Comments

championat.asia
< show latest news
Яндекс.Метрика