Latest news

00:33Спаллетти "Ювентус" учун рекорд ўрнатди  0 00:08"Жирона" — "Реал". Таркиблар маълум  2 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  36 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3

Ҳусниддин Ғофуров: “Олимпия терма жамоасидан чақирув олганимдан хурсандман” News

Ҳусниддин Ғофуров: “Олимпия терма жамоасидан чақирув олганимдан хурсандман”

Сербиядаги легионеримиз Ҳусниддин Ғофуров яқинда олимпия терма жамоамизнинг БААда ташкил этиладиган йиғинига таклиф олди.

Айни дамда ОТЖ ихтиёрида бўлган Ғофуров Дубайдаги машғулотларда астойдил харакат қилмоқда. Кеча олимпия терма жамоамиз ушбу хориж йиғинидаги илк синов-назорат учрашувини ўтказди. КХДР олимпия терма жамоасига қарши майдонга чиққан йигитларимиз 4:2 ҳисобида ғалаба қозонди. Мазкур учрашувда Ғофуров ҳам ўз ҳисобига гол ёздириб қўйишга эришди.

- Ҳусниддин, олимпия терма жамоасидан чақирув олдингиз. Очиғини айтинг, таклиф бўлишини кутганмидингиз?
- Тўғриси, кутмагандим. Аммо Сербия чемпионатида ўйнаётганимни инобатга олсак, ҳар холда бунга умид бор эди. Менимча ҳар қандай футболчи ҳам ватан жамоаси учун ўйнашни истайди. Шу жумладан мен ҳам доим терма жамоа сафида харакат қилишни хоҳлайман. Лекин бундай истак билан амалга ошириш қийин. Буни энг аввало мураббийлар ҳал қилади. Ваниҳоят олимпия терма жамоасидан чақирув бўлди. Албатта бундан жуда хурсандман. Насиб қилса мураббийларнинг ишончини оқлаш учун бор кучим билан харакат қиламан.

- Самвел Бабаян терма жамоага бош мураббий этиб тайинлангач, илк бор қўли остида машғулотларда иштирок этяпсиз. Таассуротлар қандай?
- Таассуротларим жуда яхши. Менимча Самвел Вячеславовичга ортиқча таъриф беришнинг хожати йўқ. У кишининг қандай мураббий эканлигини кўпчилик яхши билади.


- ОТЖда ягона легионеримиз хисобланасиз. Жамоага киришиб кетишингиз қийин кечмаяптими?
- Бу борада ҳаммаси жойида. Йигитларнинг кўпчилиги билан олдиндан таниш эдик. Ҳеч қандай муаммо йўқ.

- ОТЖдан таклиф бўлгач, “Явор”дагилар бунга қандай муносабатда бўлди?
- Улар мен учун хурсанд эканлигини билдиришди. Мураббий ва футболчилар омад тилашди.

- “Явор” ва ОТЖда мураббийлар сизни қайси чизиқларда ўйнатмоқда?
- Кўпроқ ярим ҳимоячи сифатида харакат қиляпман. Ўнг ва чап қанотда. Мураббийлар қайси позицияга қўйса ҳам муҳими ўйнасам бўлгани.

- “Явор”даги фаолиятингиздан кўнглиз тўляптими?
- Албатта. Нолимайман мен учун ҳаммаси яхши кечяпти. Аввалгиларига нисбатан кўпроқ ўйин амалиётига эга бўлмоқдаман.

- Жамоангизнинг иштирокини қандай баҳолайсиз?
- Аввалига чемпионатни жуда муваффақиятли бошлагандик. Лекин сўнгги турларга келиб эса дуранглар сони кўпайиб кетди. Айни пайтда турнир жадвалида 8-ўринни банд этиб турибмиз. Ўйлайманки бу ҳам ёмон натижа эмас. Ҳозир Иваницада ҳамма таътилга чиққан.


Азиз Тўхтамуродов суҳбатлашди

Rating: +2   

Comments

championat.asia
< show latest news
Яндекс.Метрика