Ҳамидулло Абдунабиев: "Мураббийларнинг кўрсатмаларига амал қилсак, "Бухоро"ни яна мағлуб этамиз"
05 apr 11:00
News

Ҳамидулло Абдунабиев: "Мураббийларнинг кўрсатмаларига амал қилсак, "Бухоро"ни яна мағлуб этамиз"

Суперлиганинг 4-туридан ўрин олган "Бухоро" – "Бунёдкор" (0:2) учрашувидан сўнг меҳмонлар дарвозабони Ҳамидулло Абдунабиев фикрлари билан ўртоқлашди.

"Ўйин қийин бўлишини билардик ва биз кутган воқеа содир бўлди. Танаффусга қадар рақиб дарвозасини ишғол қила олмадик, аммо иккинчи бўлимда мураббийларнинг кўрсатмаларини бажаришга ҳаракат қилдик, шунинг эвазига ғалаба қозондик.

Энди учрашувни таҳлил қиламиз. Кейинги беллашувни кубок доирасида яна "Бухоро"га қарши ўтказамиз. Мураббийлар кўрсатмаларига амал қилсак, "Бухоро"ни яна мағлуб этамиз.

Дарвозабонлар борасида рақобат мавжуд. Ким ўзини яхши қилса, кимнинг жисмоний ҳолати яхшироқ бўлса, ўша майдонга тушади. Умуман олганда, бу танлов мураббийларга боғлиқ, қарорни улар қабул қилади", деди 22 ёшли футболчи.