Ҳамидулло Абдуҳамидов: "Шўртан"га иккита гол урмоқчи эдим"

Бугун қийин учрашув ўтказдик. Бугун кучли рақибга қарши майдонга тушишимизни билардик, шу боис учрашувга жиддий ҳозирлик кўрдик. Иккинчи бўлимда “Шўртан” дарвозабони қизил карточка олиб, рақибларимиз 10 киши бўлиб қолишди. Шундан сўнг биз ўйин суръатини бир оз пасайтирдик. Негаки, кетма-кет ҳужумларга берилиб кетсак, рақиблармиз қарши ҳужумда бизни жазолашлари мумкин эди.    

Танаффусда мураббийларимиз бизга кўпроқ тўпга эгалик қилишмиз лозимлигини айтиб ўтишганди. Биз шу кўрсатмаларга амал қилдик, кўриб турганларингдек 2:0 ҳисобида ғалаба қозондик. Бугунги учрашувда тўғриси иккита гол урмоқчи эдим, лекин битта гол урдим (кулади). Энг муҳими ким гол уришидан қатъий назар, жамоамизнинг ғалабаси деб ҳисоблайман. Олдинда бизни қийин учрашувлар кутиб турибди.

Бекзод Толибов ёзиб олди.
“Истиқлол” матубот хизмати билан хамкорликда тайёрланди