Ҳамиджон Актамов “Бугунги ғалабадан сўнг шогирдларим ўзларига келиб олишган бўлса керак”
19 aug 2018 07:51
News

Ҳамиджон Актамов “Бугунги ғалабадан сўнг шогирдларим ўзларига келиб олишган бўлса керак”

Суперлига 22-тури доирасидаги “Қизилқум” – “Навбаҳор” жамоалари ўртасидаги учрашувдан кейин “Қизилқум” жамоаси бош мураббийи Ҳамиджон Актамов учрашув ҳақидаги фикрларини билдириб ўтди.

Ҳамид Актамов (“Қизилқум” бош мураббийи): - Авваламбор барчани кириб келаётган Қурбон ҳайити билан табриклайман. Ўз майдонимизда анчадан буён ғалаба қозона олмаётгандик ва буни кутаётгандик. Ютқазган ўйинларимиз футболчиларнинг кайфиятларига салбий таъсир ўтказганди. Энди бугунги ютуқдан сўнг шогирдларим ўзларига келиб олишган бўлса керак. Энди миллий чемпионатимизда бироз танаффус бўлади. Шу вақтда йигитлар ўз ўйинларини яхшилашга ҳаракат қилишади. Бугунги баҳсда ғалаба қозонишимиз шарт эди ва буни уддаладик.

Бугун “Навбаҳор” ҳам яхши ўйин намойиш этди. Меҳмонларда ҳам вазият бўлди. Лекин мен кўпроқ ўз жамоамизнинг ўйинини кузатдим.