Latest news

08:44EЧЛ. Ҳафта футболчисига кимлар номзод?  0 08:21Sofascore. "Андижон" футболчилари кечаги учрашувдаги ҳаракатлари қандай баҳоланди?  3 07:53Винисиус Жуниор дунёнинг энг кўп маош олувчи футболчисига айланиши мумкин  0 07:15ОЧЛ-2. "Андижон" – "Ал Аҳли" 0:0   0 02:10ЕЧЛ. "Арсенал", "Боруссия Д" ва "Наполи"да ғалаба "Юве"да дуранг ва бошқа натижалар  14 02:00ЕЧЛ. "Манчестер Сити" меҳмонда "Монако" билан дуранг ўйнади  6 01:55ЕЧЛ. ПСЖ Рамушнинг охирги дақиқалардаги голи эвазига "Барселона"ни мағлубиятга учратди  169 01:20ОЧЛ 2. "Ал Ҳалдия" ўз уйида "Арқадағ"ни мағлубиятга учратди. "Андижон" жойлашган гуруҳда ҳолат қандай?  3 01:01Сардор Азимов: "Биринчи бўлимда гол уришни мақсад қилгандик. Жамоада муҳит аъло даражада"  3 00:31"Барса" тез орада де Йонг билан шартномани узайтиради  0 00:06ЕЧЛ. "Ньюкасл" йирик ғалаба қайд этди, "Қорабоғ" "Копенгаген"ни енгди  3 23:42Қозоғистонлик тадбиркор "Реал"дан бешта гол ўтказган "Қайрат"нинг 18 ёшли дарвозабонига машина совға қилди  5 22:50Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"  16 22:32"Элче" "Барса"га қарши ўйин анонсида учрашув "Камп Ноу" стадионида ўтказилишини маълум қилди  0 21:54"Ал Аҳли" устози: "Дурангдан қониқмадик, аммо натижа адолатли бўлди. Бу каби атмосферани маҳаллий чемпионатда доим ҳам кўравермаймиз"  10

Ҳакамлар департаменти раҳбари Эркин Бахтиёров: "VAR атрофидаги хавфсизликни мезбон клуб таъминлаб бериши шарт" News

Ҳакамлар департаменти раҳбари Эркин Бахтиёров: "VAR атрофидаги хавфсизликни мезбон клуб таъминлаб бериши шарт"

Суперлиганинг 5-туридан ўрин олган "Навбаҳор" - "Пахтакор" учрашуви ҳали анча муҳокама бўлади

Баҳс сўнггида бош ҳакам Фирдавс Норсафаров VAR'га мурожаат қилиб мезбонлар дарвозасига пенальти белгиланганидан кейин стадионда ва унинг ташқарисида нималар бўлганини кўпчилик кўрди. Қуйидаги суратга эътибор қилинг. Бош ҳакам VAR орқали қийин вазиятдаги жуда муҳим қарорни қабул қилмоқда, унинг ортида 20дан зиёд инсон турибди. Аслида қандай бўлиши керак? VAR ҳудудига кимлар келиши мумкин? Бу ҳудуд ўралган бўлиши керак эмасми? Агар худо сақласин кимдир бош ҳакам VAR'га қараб турганида ортидан мушт тушириб қолса бунга ким жавоб беради? Ўша ўйин бош ҳаками Фирдавс Норсафаровнинг ҳолати қандай? Шу каби саволлар билан ЎФА ҳакамлар департаменти раҳбари Эркин Бахтиёровга мурожаат қилдик.



"Навбаҳор" - "Пахтакор" учрашуви вақтида VAR атрофида турган одамларнинг расмини ва видеоларини кўрдик. Аслида бу ҳудудда фақат бош ҳакам ва ТВ ходими ўз камераси билан (1 дона) бўлиши мумкин. ТВ ходими ҳакамнинг айтганларини эфирга узатмаслиги шарт.

Бу ҳудуддаги тартиб ва хавфсизликни мезбон клуб таъминлаб бериши шарт. Биласизки ҳар бир клубда хавфсизлик офицери мавжуд. Айнан шу инсон ўйиндан олдин бу жойга ҳеч ким яқинлашмаслигини таъминлаши керак. Лекин кўраяпмизки бир инсон 20 нафар шахсга қарши тура олмайди. Шу боис биргина инсонни айбдор қилмоқчи эмасман. Мени хайрон қолдиргани VAR атрофида иккала жамоа захира ўриндиғидаги инсонлардан ташқари яна бегоналар ҳам борлиги бўлди. Қандай қилиб захира ўриндиғида бўлмаган инсонлар бу жойга келиб қолишди? Балки кейинги турлардан бу ҳудудга етарли миқдорда ИИБ ходимларини қўйиш керакдир.

Шундай воқелардан кейин ҳеч қайси ҳакам Намангандаги ўйинни бошқаришни хоҳламаслиги мумкин, VAR ҳам Наманганга бормаслиги мумкин. Эшитишимга қараганда ТВ ҳам боришга ҳайиқиб қолган. Ўйлаб кўринг ким ҳам моддий зарар бўладиган жойга боришни хоҳлайди?

Бош ҳакам Фирдавс Норсафаров билан ўйин тугаши билан гаплашгандим. Кеча ҳам, бугун, бир соат олдин ҳам телефон орқали суҳбатлашдик. Ҳолати яхши. Жуда оғир ўйиндан чиқиб кетиш жараёнини бошдан кечирмоқда. Ҳакамлар ўша ўйиндан кейин 2-2,5 соат давомида стадион кийим алмаштириш хонасида қолиб кетишган. Эшитишимга қараганда "Пахтакор" футболчилари ҳам 3 соатга яқин стадиондан чиқа олишмаган. Ҳакамларимиз меҳмонхонага боришганида унинг атрофида кўплаб мухлислар бўлган. Шукурки барча ҳакамларимиз соғ-саломат ўз уйларига етиб боришди", - дейди Эркин Бахтиёров championat.asia сайтига.


Бу мавзуда "Навбаҳор" - "Пахтакор" учрашуви комиссари Саид Шоҳруҳ билан ҳам боғланишга ва унинг фикрларини билишга ҳаракат қилдик. Бироқ комиссарларга интервью бериш мумкин эмас деган жавобни олдик.



Rating: +5   

Comments

championat.asia
< show latest news
Яндекс.Метрика