Latest news

02:49Қозоғистон термаси матбуот котиби: "Ўзбекистонга кўчиб кетаман"  10 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  8 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   44 01:41Осиёда яна катта байрам: Иордания ўз тарихида илк бор ЖЧда иштирок этади  9 01:21ЖЧ-2026 саралаши. Бизнинг гуруҳдаги барча масала ҳал бўлди  15 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   37 00:46Аббосбек Файзуллаев: "Ҳиссиётларни тасвирлаб бера олмайман"  11 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  14 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  43 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41 22:4534 йиллик орзу ушалди! Ўзбекистон ЖЧда!  622

Ҳакамлар битта ўйин учун қанча олишади? News

Ҳакамлар битта ўйин учун қанча олишади?

Пул — одамзод учун энг қизиқ нарса, айниқса бировларнинг чўнтагидагиси.

Хусусан, умрида бирор марта 90 дақиқалик футбол баҳсини тўлиқ томоша қилмаган киши ҳам унда айланаётган рақамларга бефарқ эмас. Стадион ташқарисидагиларни ўйлаган "Championat.asia" ҳар доим унинг ичидаги "секрет"ларни оммага ошкор қилиш ҳаракатида бўлган. Бугун ҳам яшил майдондаги энг кучли фигура — рефериларнинг даромадлари тўғрисида маълумот берамиз.

Айни пайтда Суперлига учрашувларида ишлайдиган бош ҳакам битта ўйин учун 6 млн сўм миқдорида гонорар олади. Унинг ёрдамчилари эса 3 баравар камроқ маблағга эга бўлишади.

Маълумот учун, шу йилнинг 23 мартида ўзбек рефериларининг даромади ҳақида ёзгандик. Ўшанда бош ҳакамнинг 90 дақиқалик меҳнати учун 3,5 млн сўм тўланиши айтилган. Чемпионатимизнинг 2020 йилги мавсумида бу рақам 3 млн.ни ташкил қиларди. 1 йил ичида реферилар гонорарининг каррасига кўпайиши таҳсинга сазовор, албатта. Раҳбарлар келаси йилдан "лайнcмен"лар даромадини ҳам оширишни режа қилмоқда.

Шунингдек, ўзбек реферилари мунтазам равишда халқаро ўйинларда ҳам ишлаб келишмоқда. Аммо ФИФА ва ОФКнинг ҳакамларга ҳақ тўлаш шакли бироз фарқли. Улар гонорарни ўйин учун эмас, кунлик тўлайди (суточный). Халқаро учрашувда ишлайдиган ҳакам ўйиндан 2 кун олдин ўша шаҳарга етиб келиши керак. Ўйин куни ва унинг эртаси учун ҳам гонорар ёзилади. Яъни умумий 4 кун бўлади.

ОФКнинг "суточный" тўлови бош ҳакам ва унинг ёрдамчиларига 300$, комиссар ҳамда инспектор учун 200$ га тенг.

ФИФАда эса рақамлар бироз кўтарилади:

Бош ҳакам — 500$;

Ёрдамчи ҳакамлар — 350$;

Комиссар ва инспектор — 250$.

Аниқроқ қилиб айтсак, ФИФА мусобақасидаги 1 ўйинни бошқарганлиги учун реферига одатда 2000$, ОФК даражасидаги учрашувлар учун 1200$ тўланади.

Ушбу материал тайёрланишида амалий кўмак берган Эркин Бахтиёровга (ҳакамлар департаменти раҳбари) сайтимиз жамоаси ва ўқувчилари номидан миннатдорчилик билдирамиз.

XXI асрда илк бор... ("Насаф"нинг 5-дурангидан 9 факт)

Author :
Rating: +14   

Comments

championat.asia
< show latest news
Яндекс.Метрика