Latest news

14:19Антони МЮдаги ёзги давр ҳақида: "Менга ҳурматсизлик қилишди"  3 13:24Обамеянг – бир ўйиннинг учта голида иштирок этган ЧЛнинг энг кекса футболчиси  1 12:57Гюндоган "Галатасарой"нинг уйдаги ғалабаси ҳақида: "Ливерпуль" футболчиларидан бири менга келиб сўради: "Бу ерда доим шундай атмосфера бўладими?"  2 12:38Жейми Каррагер: "Виртцни "Ливерпуль" асосий таркибидан чиқариш керак"  3 11:51Нойер – журналистга "Пафос"нинг голи ҳақида: "Сиз дарвозабон бўлганмисиз?"  2 10:48The Telegraph АПЛнинг барча даврлардаги энг яхши мураббийлар рейтингини тузиб чиқди  10 10:18Гризманн "Атлетико" тарихидаги ушбу натижага эришган илк футболчига айланди  5 09:52"Қайрат" бош мураббийи "Реал"дан учралган мағлубият ҳақида фикр билдирди  7 09:25ЎФА терма жамоалар бўлими собиқ раҳбари: "Аргентина ўйинларда иштирок этишдан бош тортди, биз эса Уругвай билан келишувга эришдик"  13 09:07Sofascore. "Галатасарой"га мағлуб бўлган "Ризеспор"нинг ҳимоясидаги энг катта баҳони Алиқулов олди  9 08:58Мбаппе: "Буни унутишга ҳеч қачон ҳаққимиз йўқ"  13 08:50МЛС. 8 та гол урилган учрашувда "Интер Майами" мағлубиятга учради, Суарес иккита гол урди  38 08:02ОЧЛ 2. Бугун "Андижон" "Ал Аҳли"ни меҳмон қилади  13 07:35Бум! Ўзбекистон мундиал стартидан олдин ЖЧ мезбони билан ўйнайди  23 02:10ЕЧЛ. "Атлетико" яна бешта гол урди, "Бавария" ва "Интер"да йирик ғалаба (барча натижалар)  13

Ҳакам "Пахтакор" дарвозабонини майдондан четлатиб, тўғри қарор қилдими? Суперлиганинг 7-туридаги ҳакамлик фаолияти таҳлили News

Ҳакам "Пахтакор" дарвозабонини майдондан четлатиб, тўғри қарор қилдими? Суперлиганинг 7-туридаги ҳакамлик фаолияти таҳлили

Ҳакамлик бўйича россиялик экспертимиз барча баҳсли ҳолатларни синчиклаб ўрганди.

Championat.asia сайтининг ҳакамлик фаолияти бўйича эксперти, россиялик собиқ ҳакам Анатолий Синяев ("Алё, рэф!" Телеграм канали) ўзининг профессионал ҳакамлар жамоаси билан биргаликда Суперлиганинг 7-тури ўйинларидаги баҳсли вазиятларни батафсил таҳлил қилди.


"Сўғдиёна" - "Андижон"

Ҳакамнинг ўйинни давом эттириш тўғрисидаги қарорини қўллаб-қувватлайман, ВАРнинг вазиятга аралашмагани ҳам мақбул қарор. Тўқнашув (контакт)ни бошлаган томон "Андижон" ҳужумчиси ҳисобланади. "Сўғдиёна" ҳимоячиси биринчи бўлиб тўпга тегди, айни пайтда ҳужумчи тўқнашув (контакт) содир этишга уриниб, оёғини "суқди".

ВИДЕО


"Пахтакор" - "Шўртан"

ВАР вазиятга тўғри аралашди, натижада "Пахтакор" дарвозабонига қизил карточка кўрсатилиши ҳам тўғри қарор бўлди. У тўпнинг учиш йўналишини тўғри чамаламади ва жарима майдони ташқарисида қўллари билан ўйнади. "Шўртан" ҳужумчиси дарвозабон ёнида турган эди ва агар рақиб посбони қўлларини ишга солмаганда, у тўпни эгаллаб олиши мумкин эди.

ВИДЕО


"Насаф" - "Қизилқум"

Ўйинни давом эттириш тўғри қарор бўлди. Вазият анча оддий: "Қизилқум" ҳимоячиси тўпни рақиб футболчисига текказган ҳолда майдондан узоқлаштиришга уринди, тўп эса жамоадошининг танасига яқин турган қўлига тегди. Бу ҳолда қўлнинг жойлашуви иккинчи даражали аҳамиятга эга, чунки ўз жамоадошидан келаётган тўп қисқа масофада эди.

ВИДЕО


"Насаф" - "Қизилқум"

Такрорий лавҳалар ва ракурслар сифати яхши эмас. Фикримча, агар ВАРда бошқа такрорий вазиятлар бўлмаса, ҳолатга аралашмаслик тўғри қарор ҳисобланади (ҳакам аниқ хато қилганига далил йўқ). Тўпга биринчи бўлиб қайси футболчи ўйнаётгани кўринмаяпти. Умуман олганда, ҳакамнинг яхши позициясини ҳисобга олсак, унга ишонмаслик учун жиддий асос мавжуд эмас.

ВИДЕО


"Насаф" - "Қизилқум"

"Қизилқум" ҳимоячисига қўпол ўйин учун шубҳасиз сариқ карточка кўрсатилиши жоиз. Бу вазиятда қизил карточка ҳақида гапириш мушкул, чунки майдондан четлатиш учун асослар йўқ: ортиқча тажовуз ва бутсанинг таг қисми орқали қўполлик қилиш ҳолатлари кузатилмади, ҳимоячининг оёқлари букилган ва майса устида, ўйинчи "сирпаниб" ҳаракат қилмоқда ва подкатнинг оқибатларини юмшатиш учун барча ҳаракатларни қилмоқда. Бу эҳтиётсиз хатти-ҳаракат бўлиб, сариқ карточка билан жазоланиши лозим.

ВИДЕО


Rating:    

Comments

championat.asia
< show latest news
Яндекс.Метрика