Ҳафта иқтибослари. Машҳурлардан энг сара фикрлар

- "Бонуччи ва Кьеллини бемалол Гарвард Университетига бориб марказий ҳимоячи қандай бўлиши кераклиги ҳақида дарс беришса бўлади. Улар шунчаки фантастик футболчилар. Бу жамоада ҳамма нарса бор, шунинг учун ҳам биз ютқаздик". (МЮ бош мураббийи Жозе Моуриньо "Ювентус" марказий ҳимоячилари ҳақида)

- "Мен қачон ўйнашни тўхтатаман? Албатта, шу мавсум охирида. Шунда 36га кираман ва профессионал фаолиятим 18 йил кечган бўлади. Мен 5 ёшдан бери футбол ичидаман". (Робин ван Перси қачон бутсаларини михга илиши тўғрисида)

- "Ҳужум бошланган пайт мен уйда ўғлим билан эдим. Хотиним ва қизим эса бу пайт аренада бўлишган. Хотиним менга қўнғироқ қилди, бироқ шу заҳоти алоқа узилди. Унинг шу гапларини эшитиб қолдим: "Нимадир бўлди ва биз югуряпмиз". Мен қайтиб қўнғироқ қилдим, бироқ иложи бўлмади. Шунда уйдан чиқиб арена томон югурдим. Орадан 6-7 дақиқа ўтиб хотиним яна қўнғироқ қилди: "Биз ташқарига чиқдик, ҳозир уйга қайтяпмиз". Ўшанда кўп одамлар жароҳат олганди, лекин оиламнинг омади бор экан". ("Манчестер Сити" бош мураббийи Пеп Гвардиола 2017 йилнинг 22 май санасида "Манчестер Арена"да қўйилган концерт пайтида юз берган машъум воқеа ҳақида)

- "Мен билан ўйнаган энг кучли футболчи бу - Криштиану Роналду, мен ўзим қарши ўйнаган энг кучли ўйинчи эса Лионель Месси". (Месут Озил Роналду ва Месси ҳақида)

- "Атлетико"дек жамоага тўртта гол уриш бу - фантастика. Биз бу ўйинда жуда кўп куч йўқотдик, айниқса иккинчи бўлимда. 60-65 дақиқаларга бориб чарчаб қолсак деб ўйлагандим, бироқ охиригача ўйнай олдик. Гап натижада эмас, балки қандай футбол намойиш этганимизда ("Боруссия Дортмунд" етакчиси Марко Ройс ЕЧЛда "Атлетико" билан кечган баҳс ҳақида)

- "Албатта, мен шу йилнинг ўзидаёқ Осиё чемпионлар лигасида ғолиб чиқишни хоҳлайман. Бунинг учун бор кучимни ишга соламан. Биз 2016 йилги тарихий воқеани такрорлашни истаймиз". ("Кашима Антлерс" ҳужумчиси Юма Сузуки ОЧЛда зафар қучишни хоҳлаётгани ҳақида)

- "Бу мавсум "Персеполис" ўтган йилгига қараганда анча бўш бўлади деб ўйлашганди. Аммо биз ҳар куни меҳнат қилишда давом этяпмиз. Биз ҳозир шундай ҳолатдамизки, Осиёнинг исталган жамоасини мағлуб этишимиз мумкин. Биз ОЧЛни ютиб Эрон халқига ажойиб совға улашишни хоҳлаймиз". ("Персеполис" ярим ҳимоячиси Сиамак Немати ОЧЛда ғолиб бўлишни истаётгани ҳақида)

- "Мен аввало ўзимдан хафаман ва вазиятдан қандай чиқиб кетишни ўйлаяпман. Жамоадаги ҳар қандай ҳолат учун аввало мен жавобгарман. Мен буюк клубни бошқаряпман ва бор масъулиятни ўз бўйнимга олишим керак". ("Милан" бош мураббийи Женнаро Гаттузо жамоасининг "Интер" ва "Бетис"дан учралган мағлубиятидан сўнг)